سوڭعى 5 جىلدا «ەڭبەك» باعدارلاماسى اياسىندا شىعىس قازاقستان، سولتۇستىك قازاقستان، پاۆلودار جانە قوستاناي وبلىستارىنا تۇركىستان وبلىسىنان 9733 ادامدى قۇرايتىن 2525 وتباسى قونىس اۋدارعان. ال بيىل كوشكەندەر سانى ەسەلەپ ارتىپ، 3730 مۇشەسى بار 816 وتباسى سولتۇستىك وبلىستارعا كوش تۇزەگەن. بۇگىن بۇل تۋرالى «Nur Otan» پارتياسىنىڭ جانىنداعى رەسپۋبليكالىق قوعامدىق كەڭەسىننىڭ ونلاين وتىرىسىندا «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى، فراكسيا جەتەكشىسى بەيسەن تاجىبايەۆ ءمالىم ەتتى.
جيىنعا ق ر پارلامەنت ءماجىلىسىنىڭ دەپۋتاتى، «Nur Otan» پارتياسى جانىنداعى جۇمىسپەن قامتۋدى جانە حالىقتىڭ الەۋمەتتىك وسال توپتارىن قولداۋ جونىندەگى رەسپۋبليكالىق قوعامدىق كەڭەسىننىڭ ءتوراعاسى ەلنۇر بەيسەنبايەۆ ءتوراعالىق ەتىپ، جاۋاپتى مينيسترلىك پەن وبلىس اكىمدىكتەرىنىڭ ەسەبىن تىڭدادى. ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ەرجان ءبىرجانوۆ، سولتۇستىك قازاقستان وبلىسى اكىمىنىڭ ورىنباسارى ءساتجان ابلالييەۆ، ءماجىلىس دەپۋتاتى ەدىل جانبىرشيندەر قاتىسىپ، ءوز ويلارىن ورتاعا سالدى.
جالپى باعدارلاما باستالعالى پاۆلودار، سولتۇستىك قازاقستان وبلىستارىنان ارنايى دەلەگاسيالار تۇركىستان وبلىسىنا تۇراقتى تۇردە كەلىپ، ۇگىت-ناسيحات جۇمىستارىن جۇرگىزگەن. قالعان ەكى وبلىستا بۇل جۇمىستار باياۋ. سونداي-اق بيىل جەكە كاسىپكەر، قوعام بەلسەندىسى جاڭاباي اعابەكوۆ ءوز قاراجاتى ەسەبىنەن اۆتوبۋس جالداپ، وبلىستان 30 ادامنىڭ پاۆلودار وبلىسىنا بارىپ-قايتۋىنا دەمەۋشىلىك جاساعان. ناتيجەسىندە بارىپ قايتقان 30 ادامنىڭ 28 وتباسى پاۆلودار وبلىسىنا قونىس اۋدارعان.
«كوشى-قون جۇمىستارىن جانداندىرۋ ءۇشىن پاۆلودار، قوستاناي، سولتۇستىك جانە شىعىس قازاقستان وبلىستارىنا كوشۋدى ناسيحاتتاۋدى ق ر اقپارات جانە قوعامدىق دامۋ مينيسترلىگى مەن وبلىس اكىمدىكتەرىنىڭ قولداۋىمەن ۇكىمەتتىك ەمەس ۇيىمدار مەن قوعامدىق بىرلەستىكتەر دە تارتىلىپ، جۇزەگە اسىرىلۋى كەرەك. سونداي-اق ول سولتۇستىك ءوڭىر اكىمدىكتەرىنىڭ حالىق كوپ قونىستانعان سايرام، جەتىساي جانە سارىاعاش اۋداندارىندا فرونت-وفيس تۇرىندە وكىلدىگىن اشۋدى قولعا الۋ قاجەت. سونىمەن قاتار اۋىل شارۋاشىلىعى بويىنشا جۇمىس اتقارعىسى كەلەتىن كاسىپكەرلەرگە لوگيستيكاسى دامىعان ەلدىمەكەندەردەن جىلىجايلار مەن مال بورداقىلاۋ الاڭدارىن سالۋ ءۇشىن 1-2 پايىزبەن جەڭىلدەتىلگەن نەسيەلەر، سۋبسيديالار، گرانتتار بەرۋ قاجەت دەپ ەسەپتەيمىز. سولتۇستىك پەن شىعىستاعى اۋىلداردى كورىپ، جاعدايىمەن تانىسىپ قايتۋ ءۇشىن ازاماتتارعا ءبىر رەتتىك جولاقى قارجى قاراستىرۋ كەرەك. ءقازىر بۇل ماسەلە دەمەۋشىلەر ارقىلى شەشىلۋدە. ءبىراق ول ۋاقىتشا ءىس»، – دەدى بەيسەن داۋلەت ۇلى.
سونداي-اق ول وڭتۇستىك وڭىردەن ەرىكتى تۇردە قونىس اۋدارۋعا نيەت بىلدىرگەن ازاماتتارعا كوشىپ باراتىن وڭىردەن 1 ايلىق جاتىن ورنىمەن قامتاماسىز ەتەتىن ورتالىق اشۋدى دا ۇسىندى. سولتۇستىككە كوشكەن ازاماتتاردىڭ نەسيە قارىزىن وتەۋدى 1 جىلعا شەگەرۋ، نەكەدە تۇرعانداردى بالانستىق قۇننىڭ قالدىق قۇنىمەن 5 جىل وتكەننەن كەيىن جەكەشەلەندىرۋ قۇقىعىمەن پاتەردى جالعا بەرۋ، وڭتۇستىك وڭىردەگى ءىرى كاسىپكەرلەرى مەن ىسكەر ازاماتتارىنا سولتۇستىكتەن شارۋاشىلىق ماقساتتاعى جەردى جالعا بەرۋ ءىسىن جانداندىرۋ قاجەت دەپ ەسەپتەيدى. ەگەر ءبىر كاسىپكەر 10 نەمەسە 20 وتباسىنى كوشىرىپ، ولاردى جۇمىسپەن قامتىسا، مەملەكەتتىك قولداۋلار كورسەتىلۋى ءتيىس. كوپبالالى وتباسىلارعا، «كۇمىس القا»، «التىن القا» يەلەرىنە ەرەكشە جاعداي، قوسىمشا كومەكتەر ۇيلەستىرىلۋى كەرەك دەگەن سىندى ۇسىنىستار دا ايتىلدى.
وتىرىستا «سەرپىن» مەملەكەتتىك باعدارلاماسى تۋرالى دا ءسوز بولدى. اتالعان باعدارلاما اياسىندا سوڭعى 5 جىلدا تۇركىستان وبلىسى بويىنشا جوعارى وقۋ ورىندارىنا 10364 جاس وقۋعا قابىلدانعان. بيىل «سەرپىن» جوباسىنىڭ 320 تۇلەگى وقۋدى اياقتاعانىمەن سولتۇستىك وڭىرلەرىنە تۇراقتى جۇمىسقا تۇرا العان جوق. 2019 جىلى 5109 گرانت ءبولىنىپ، 2292 ادام وقۋعا تۇسسە، 2020 جىلى 979 ادام عانا قابىلدانعان. گرانتتاردى تولىق ۇلەستىرۋ جۇمىستارىن جاۋاپتى مينيسترلىك تياناقتى تۇردە جۇرگىزۋى ءتيىس.
وتىرىستى قورىتىندىلاعان كەڭەس ءتوراعاسى ە.بەيسەنبايەۆ جيىن باراسىندا ايتىلعان ۇتىمدى ۇسىنىستاردىڭ باعدارلامالارعا ەنگىزىلەتىن جەتكىزدى.
تۇركىستان وبلىسى اكىمىنىڭ باسپا ءسوز قىزمەتى
