اۆتوموبيل جاساۋدى دامىتۋ كومپونەنتتىك بازا ءوندىرىسىن تەرەڭدەتۋ لوكاليزاسيالاۋ جانە يگەرۋ ەسەبىنەن جوسپارلانىپ وتىر، - دەپ حابارلايدى Dalanews.kz.
قازاقستاندا 2024 جىلدىڭ 9 ايىنىڭ قورىتىندىسى بويىنشا 82 مىڭنان استام جەڭىل اۆتوكولىك شىعارىلدى.
ەلىمىزدە شاعىن توراپتى قۇراستىرۋ تەحنيكاسىنىڭ ءوندىرىسىن ۇلعايتۋعا باسا نازار اۋدارىلىپ جاتىر. بۇل تۋرالى ۇكىمەت وتىرىسىندا ونەركاسىپ جانە قۇرىلىس ءمينيسترى قانات شارلاپايەۆ باياندادى.
سەكتوردا بىرلەسكەن كاسىپورىندار قۇرىلادى، ەل اۋماعىندا جاڭا زاۋىتتار سالۋعا ءوز قاراجاتىن سالۋعا دايىن ينۆەستورلار كەلۋدە.
ماسەلەن، CHANGAN، HAVAL، CHERY اۆتوموبيلدەرىن شىعاراتىن زاۋىتتىڭ قۇرىلىسى اياقتالۋعا جاقىن، ونىڭ ءوندىرىسى تولىعىمەن شاعىن توراپتى قۇراستىرۋعا نەگىزدەلگەن. قۋاتى – 90 مىڭ بىرلىك. KIA اۆتوموبيل وندىرەتىن زاۋىتتىڭ قۇرىلىسى جۇرگىزىلۋدە. ينۆەستيسيا سوماسى $200 ملن. $150 ملن سوماسىنا Geely، Exceed، KAIYI جەڭىل اۆتوموبيلدەرىن ءوندىرۋ بويىنشا جوبا ىسكە قوسىلدى.
"سەكتوردى ودان ءارى دامىتۋ لوكاليزاسيانى تەرەڭدەتۋ جانە كومپونەنتتىك بازا ءوندىرىسىن يگەرۋ ەسەبىنەن جوسپارلانۋدا. بيىل الماتى قالاسىندا مۋلتيمەديالىق جۇيەلەر مەن اۆتوكرەسلولاردىڭ سەريالىق ءوندىرىسى ىسكە قوسىلادى دەپ كۇتىلۋدە"،- دەدى مينيستر.
