بۇرىنعى ەكولوگيا ءمينيسترى ءزۇلفيا سۇلەيمەنوۆا جاڭا قىزمەتكە تاعايىندالدى، دەپ حابارلايدى Dalanews.kz.
Tengrinews.kz مالىمەتىنشە، ءزۇلفيا سۇلەيمەنوۆا سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى بولىپ تاعايىندالعان.
ءزۇلفيا بولات قىزى سۇلەيمەنوۆا 1990 جىلى اقتوبە وبلىسىندا تۋعان. ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن.
- ەڭبەك جولىن 2014 جىلى پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىندا وڭىرلىك جانە جاھاندىق قاۋىپسىزدىك ءبولىمىنىڭ عىلىمي قىزمەتكەرى بولىپ باستاعان.
- 2015-2019 جىلدارى بىرىككەن ۇلتتار ۇيىمىنىڭ ازيا مەن تىنىق مۇحيتقا ارنالعان ەكونوميكالىق جانە الەۋمەتتىك كوميسسياسىنىڭ قورشاعان ورتا جانە دامۋ دەپارتامەنتىنىڭ كونسۋلتانتى بولىپ ەڭبەك ەتكەن.
- 2019 جىلى بىرىككەن ۇلتتار ۇيىمى دامىتۋ باعدارلاماسىنىڭ تۇرىكمەنستانداعى حالىقارالىق كونسۋلتانتى، بىرىككەن ۇلتتار ۇيىمى دامىتۋ باعدارلاماسىنىڭ قازاقستانداعى ۇلتتىق كونسۋلتانتى بولىپ جۇمىس ىستەگەن.
- 2020-2021 جىلدارى ەكولوگيا، گەولوگيا جانە تابيعي رەسۋرستار مينيسترلىگىنىڭ كليماتتىق ساياسات جانە جاسىل تەحنولوگيالار دەپارتامەنتى ديرەكتورىنىڭ ورىنباسارى لاۋازىمىن اتقارعان.
- 2021 جىلى پارلامەنت ءماجىلىسىنىڭ VII شاقىرىلىمىنىڭ دەپۋتاتى بولىپ سايلانعان.
- 2022 جىلعى ناۋرىزدان باستاپ قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار ءمينيسترىنىڭ ورىنباسارى بولدى.
- 2023 جىلى ەكولوگيا جانە تابيعي رەسۋرستار ءمينيسترى قىزمەتىنە تاعايىندالدى.
- كەيىنىرەك قازاقستان رەسپۋبليكاسى پرەزيدەنتىنىڭ كەڭەسشىسى - پرەزيدەنتتىڭ حالىقارالىق ەكولوگيالىق ىنتىماقتاستىق جونىندەگى ارناۋلى وكىلى بولدى.
