جامبىل وبلىسى بۋرىل اۋىلىنداعى بالا ٶلٸمٸنە قاتىستى اتىشۋلى قىلمىس بويىنشا ٸس سوتقا ٶتتٸ.
«نوۆوستي كازاحستان» اگەنتتٸگٸنٸڭ حابارلاۋىنشا, قىلمىستىق ٸستٸ سۋديا ازامات تٸلەپوۆ قارايتىن بولادى. 18 جاستاعى دۋرسۋن كاۆاز-وگلى “كٸسٸ ٶلتٸرۋ” بابى بويىنشا ايىپتالۋدا. سوت وتىرىسىنىڭ قاشان باستالاتىنى بەلگٸسٸز. ايىپتالۋشى قازٸر قاماۋدا وتىر.
ٷستٸمٸزدەگٸ جىلدىڭ 15 اقپانىندا بايزاق اۋدانى بۋرىل اۋىلىنداعى جەكە ٷيدە زورلىقپەن ٶلتٸرٸلگەن بالانىڭ مەيٸتٸ تابىلدى. ەكٸ كٷن بويى اۋىلدا تۇرعىندار اراسىندا تولقۋ بولىپ, پوليتسييا مەن ارنايى جاساق كٷشەيتٸلگەن تەرتٸپتە جۇمىس ٸستەدٸ.
كٷدٸكتٸ قىلمىس بولعان كٷننٸڭ ەرتەسٸنە ۇستالدى. پوليتسييا كٷدٸكتٸنٸڭ ٷيدٸ توناۋ كەزٸندە بالانى ٶلتٸرٸپ قويعانىن حابارلادى.
