سىرىم اۋداندىق تۇرعىن ۇي-كوممۋنالدىق شارۋاشىلىق ءبولىمىنىڭ بۇرىنعى باسشىسى سوتتالدى، دەپ حابارلايدى Dalanews.kz.
سىرىم اۋدانى پروكۋراتۋراسىنىڭ تەكسەرۋى ناتيجەسىندە اۋداننىڭ تۇرعىن ۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ بۇرىنعى باسشىسى جول قۇرىلىسى كەزىندە زاڭبۇزۋشىلىقتارعا جول بەرگەنى انىقتالدى.
تەرگەۋ بارىسىندا بۇرىنعى ءبولىم باسشىسى قىزمەتتىك وكىلەتتىگىن تەرىس پايدالانىپ، زاڭسىز ارەكەتتەرگە بارعانى جانە سونىڭ سالدارىنان مەملەكەتكە 56 ميلليون تەڭگەدەن استامكولەمدە زالال كەلتىرگەنى دالەلدەندى.
سىرىم اۋداندىق سوتى بۇرىنعى ءبولىم باسشىسىن كىنالى دەپ تانىپ، وعان 3 جىل 6 اي مەرزىمگە باس بوستاندىعىن شەكتەۋ جازاسىن تاعايىندادى.
سوتتىڭ ۇكىمى زاڭدى كۇشىنە ەندى.
