دەنساۋلىق ساقتاۋ ءمينيسترى ەلجان ءبىرتانوۆ ەلىمىزدە كوروناۆيرۋستىڭ ءورشۋىنىڭ ەڭ جوعارى دەڭگەيى ءساۋىر ايىنىڭ ءبىرىنشى ونكۇندىگىندە كورىنىس تابادى دەپ بولجايدى، دەپ حابارلايدى dalanews.kz. 

ول بۇل تۋرالى دەنساۋلىق ساقتاۋ مينيسترلىگىنىڭ Facebook-تەگى رەسمي پاراقشاسىندا بەرگەن سۇقباتىندا ايتتى.

ءساۋىردىڭ العاشقى ونكۇندىگىندە ىندەت ءورشىپ، بيىك شىڭىنا جەتەدى دەپ كۇتىلەدى. وكىنىشكە وراي، ءارقاشان بۇل بىزگە بايلانىستى ەمەس، - دەدى ول.

- ءبىزدىڭ ەسەبىمىز بويىنشا قابىلدانعان شارالار اۋرۋدىڭ تارالۋىن شامامەن 50 پروسەنتكە ازايتتى. سوندىقتان، كارانتيندىك شارالاردى ساقتاۋ قاجەت، كەشە پرەزيدەنت ايتقانداي، مۇمكىن بۇل شارالاردى ودان ءارى دە قاتايتۋى مۇمكىن، بۇل ينفەكسيانىڭ تارالۋ جىلدامدىعىن ەداۋىر تومەندەتۋگە مۇمكىندىك بەرەدى.

سونداي-اق ءبىرتانوۆ ءوز كەزەگىندە حالىقارالىق ۇيىمدارداعى ارىپتەستەرىنە ءوز العىسىن ءبىلدىردى.