مينيستر بايقاۋدىڭ نەگىزگى ماقساتى – تالانتتى جۋرناليست، قوعام قايراتكەرى، قازاقستان رەسپۋبليكاسى پرەزيدەنتى سىيلىعىنىڭ لاۋرەاتى بەيسەن قۇرانبەكتىڭ ەسىمىن ەل جادىندا وشىرمەۋ، مۇراسىن ساقتاپ قالۋ ەكەندىگىن اتاپ ءوتتى.
– جۋرناليستيكا سالاسىنداعى بارلىق جىگەرلى جاستارعا بەيسەن قۇرانبەكتىڭ ءومىرى جاستارعا جىگەر بەرسىن دەگەن ماقساتپەن وسى بايقاۋدى ۇيىمداستىرعان بولاتىنبىز، – دەدى ايدا بالايەۆا.
ءىس-شارا «Astana Media week – 2021» اياسىندا نۇر-سۇلتاندا وتكىزىلدى.
ماراپاتتار بەيسەن قۇرانبەكتىڭ جۋرناليستىك قىزمەتتەگى پرينسيپتەرىن بارىنشا تولىق كورسەتەتىن جۇمىستاردىڭ اۆتورلارىنا تابىس ەتىلدى.
«جىگەر» بايقاۋىنىڭ «الەۋمەتتىك تاقىرىپتاعى ۇزدىك باعدارلاما» نوميناسياسى بويىنشا جەڭىمپازدارى:
ءى ورىن – ءسانيا بايتاروۆا، «جەتىسۋ» تەلەارناسىنىڭ رەداكتورى («ارنايى حابار» «مەرۋەرتتىڭ مۇڭى» شىعارىلىمى)؛
ءىى ورىن – ەرلان مۇقانوۆ، «اقتوبە» تەلەارناسىنىڭ رەداكتورى («جىگەر» باعدارلاماسى)؛
ءىىى ورىن – ينديرا بەكتەنوۆا، «قازسپورت» تەلەارناسىنىڭ باس رەداكتورى («الەمدى مويىنداتقان شاردارا» باعدارلاماسى).
بايقاۋ جەڭىمپازدارى ديپلوم، «جىگەر» ەستەلىك مۇسىنشەسىنىڭ جانە قارجىلاي سىياقى يەگەرلەرى اتاندى:
I ورىن يەگەرى – 1 000 000 تەڭگە؛
II ورىن – 500 000 تەڭگە؛
III ورىن ءۇشىن – 300 000 تەڭگە.
جەڭىمپازدار ەسىمى مەدياسالا كاسىبي ماماندارىنان، قوعام قايراتكەرلەرى مەن بەيسەن قۇرانبەكتىڭ سەرىكتەستەرىنەن قۇرالعان قازىلار القاسى مۇشەلەرىنىڭ داۋىس بەرۋ قورىتىندىسى بويىنشا انىقتالدى.
قازىلار القاسىنىڭ قۇرامىندا جۋرناليست، پۋبليسيست قاينار ولجاي، تانىمال جۋرناليست ارمان سقابىل ۇلى، «حابار 24» تەلەارناسىنىڭ شەف-رەداكتورى اندرەي تاراكوۆ، جۋرناليست، «قارەكەت» باعدارلاماسىنىڭ پروديۋسەرى ءاليا قۇدايبەرگەن، جۋرناليست، «جەتىسۋ» تەلەارناسىنىڭ ديرەكتورى سەرىك سارىباي بولدى.
«جىگەر» سىيلىعى قازاقستان رەسپۋبليكاسى اقپارات جانە قوعامدىق دامۋ مينيسترلىگىمەن «مەديا دامىتۋ قورى» كورپوراتيۆتىك قورىمەن ىنتىماقتاستىقتا وتكىزىلدى.
