بۇل – 2016 جىلدىڭ قازان ايىندا اگەنتتٸك وسىنداي باقىلاۋلار جٷرگٸزە باستاعان سەتتەن باستاپ ەسەپتەگەندەگٸ رەيتينگكە ەنگٸزٸلگەن ادامداردىڭ جوعالتقان ەڭ كٶپ شىعىندارى.
LVMH (Louis Vuitton Moet Hennessy) فرانتسۋز كومپانييا توبىنىڭ باس ديرەكتورى بەرنار ارنو مەن Amazon كورپوراتسيياسىنىڭ باسشىسى دجەفف بەزوستىڭ ەرقايسىسى 4,8 ملرد دوللاردان ايىرىلعان.
ولار – تٸزٸمگە ەنگەن اسا باي بيزنەسمەندەردٸڭ اراسىنداعى ەڭ كٶپ شىعىنعا ۇشىراعاندار.
بەزوس بۇرىنعىشا ەلەمدەگٸ ەڭ باي ادام, ال ارنو اتالعان كٶرسەتكٸش بويىنشا ٷشٸنشٸ ورىندا تۇر. Zara يسپاندىق ساۋدا جەلٸسٸنٸڭ قوجايىنى امانسيو ورتەگانىڭ جاعدايى 4 ملرد دوللارعا, Facebook كومپانيياسىنىڭ باسشىسى مارك تسۋكەربەرگتٸكٸ 3,48 ملرد دوللارعا, ال Google كومپانيياسىنىڭ نەگٸزٸن قالاۋشى لارري پەيدجدٸكٸ 2,7 ملرد دوللارعا ازايعان.
اگەنتتٸكتٸڭ باعالاۋىنا سەيكەس, رەسەيلٸك ميللياردەرلەردٸڭ ٸشٸنەن سوڭعى تەۋلٸكتە «لۋكويلدىڭ» پرەزيدەنتٸ ۆاگيت الەكپەروۆ بەرٸنەن كٶپ اقشا جوعالتتى. ونىڭ قارجىسى 1,21 ملرد-قا ازايعان.
ەكٸنشٸ ورىندا – «نوۆاتەكا» باسشىسى لەونيد ميحەلسون (692 ملن دوللار), ٷشٸنشٸ ورىندا «لۋكويل» ۆيتسە-پرەزيدەنتٸ لەونيد فەدۋن (508 ملن دوللار). اقش-تاعى قور ساۋداسى دٷيسەنبٸ كٷنٸ جاڭا كوروناۆيرۋستىڭ تارالۋى ەلەمدٸك ەكونوميكاعا زالال كەلتٸرۋٸ مٷمكٸن دەگەن قاۋٸپتەرگە وراي باعا بەلگٸلەنٸمدەرٸنٸڭ تٶمەندەۋٸمەن اياقتالدى.
