الەۋمەتتىك جەلىلەر مەن Telegram ارنالاردا بالقاش قالاسىنداعى مەكتەپتەرگە جارىلعىش زاتتار قويىلدى دەگەن قاۋەسەت تاراپ جاتىر، دەپ حابارلايدى Dalanews.kz.
قاراعاندى وبلىسى پوليسيا دەپارتامەنتى بۇل اقپارات شىندىققا جاناسپايتىنىن مالىمدەدى.
"جالعان مالىمەت تاراتۋ دەرەگى بويىنشا قىلمىستىق ءىس قوزعالدى. ءبىلىم بەرۋ مەكەمەلەرىن پوليسيا قىزمەتكەرلەرى تەكسەردى، ەشقانداي جارىلعىش زات تابىلعان جوق. ءقازىر جالعان اقپارات تاراتقان ادامداردى انىقتاۋ جانە ۇستاۋ ءۇشىن اۋقىمدى جەدەل تەرگەۋ ءىس-شارالارى جۇرگىزىلىپ جاتىر"، - دەپ جازىلعان حابارلامادا.
پوليسيا بالقاش قالاسىنىڭ تۇرعىندارى مەن قوناقتارىن سابىر ساقتاۋعا، ارانداتۋشىلىققا ەرمەۋگە جانە تەك رەسمي اقپارات كوزدەرىنە سەنۋگە شاقىردى.
