«اۋىل» پارتيياسى مەن فەرمەرلەر قاۋىمداستىعى اۋىلداردى دامىتۋعا ۋاعدالاستى
مەموراندۋم اياسىندا تاراپتار اگروٶنەركەسٸپ كەشەنٸن دامىتۋعا, اۋىل شارۋاشىلىعى سالاسى مەن اۋىل ەڭبەككەرلەرٸنٸڭ ٶزەكتٸ مەسەلەلەرٸن شەشۋگە, اۋىل شارۋاشىلىعى تاۋار ٶندٸرۋشٸلەرٸ مەن اگروٶنەركەسٸپتٸك كەشەننٸڭ باسقا دا قاتىسۋشىلارىنا مەملەكەتتٸك جەنە مەملەكەتتٸك ەمەس قولداۋ جٷيەسٸن جەتٸلدٸرۋگە جەردەمدەسۋگە باعىتتالعان بٸرلەسكەن ٸس-شارالاردى ٶتكٸزۋ تۋرالى كەلٸسٸمگە كەلدٸ.
– «قازاقستان فەرمەرلەرٸ قاۋىمداستىعى» – قازاقستاننىڭ بارلىق وبلىستارىنىڭ 40 مىڭنان استام فەرمەرٸن بٸرٸكتٸرەتٸن ٸرٸ قوعامدىق ۇيىمداردىڭ بٸرٸ. اتالمىش قوعامدىق بٸرلەستٸكپەن ورتاق مٷددەلەرٸمٸز كٶپ. بۇعان دەيٸن دە رەسپۋبليكالىق جەنە ايماقتىق دەڭگەيدە ەرٸپتەستٸك قارىم-قاتىناستا بولدىق. ەسٸرەسە اۋىل شارۋاشىلىعى سالاسىنىڭ دامۋىنا قاتىستى مەسەلەلەردە قاۋىمداستىق پەن پارتييانىڭ ۇستانعان باعىتىنىڭ ورتاق ەكەنٸنە كٶز جەتكٸزدٸك. بٷگٸنگٸ ىنتىماقتاستىق مەموراندۋمى ارقىلى «اۋىل پارتيياسىنىڭ» ەلەۋەتٸ ارتىپ, اۋىل شارۋاشىلىعىنىڭ دامۋىنا قوسار ٷلەسٸمٸز ەسەلەنە تٷسەدٸ دەپ ٷمٸتتەنەمٸن, – دەدٸ «اۋىل» پارتيياسىنىڭ تٶراعاسى ەلي بەكتاەۆ «اگرارلىق سالانى دامىتۋ – ورتاق مٷددەمٸز» اتتى بٸرلەسكەن وتىرىستا.
ونىڭ ايتۋىنشا, ەلەمدٸ جايلاعان كوروناۆيرۋس ٸندەتٸ اگرارلىق سەكتوردىڭ, ازىق-تٷلٸك قاۋٸپسٸزدٸگٸنٸڭ ماڭىزدىلىعىن ايقىنداپ بەردٸ. «دەل قازٸر ادامعا قىمبات كٶلٸكتٸڭ دە, قىمبات كيٸمنٸڭ دە كەرەگٸ جوق.
ەڭ نەگٸزگٸسٸ – دەننٸڭ ساۋلىعى. ەلدٸ ەتپەن دە, سٷتپەن دە, نانمەن دە قامتاماسىز ەتٸپ وتىرعان سول اۋىلدىڭ بەرەكەلٸ تٸرلٸگٸ, ەرەن ەڭبەگٸ. وتىز جىلدىڭ ٸشٸندە ەكونوميكامىزدىڭ شيكٸزاتقا تەۋەلدٸلٸك قۇرساۋىنان شىعا الماي قالعانى جاسىرىن ەمەس.
باسقاسىن ايتپاعاندا, قازاقستاننىڭ اۋىلشارۋاشىلىق ٶندٸرٸس كەشەنٸن دامىتۋعا ەلەۋەتٸ جەتكٸلٸكتٸ. مال باعىپ, جەر ەمگەن اتا كەسٸبٸمٸزدٸ قايتا جاڭعىرتىپ, ٶڭدەۋ ٶنەركەسٸبٸن دەرەۋ جانداندىرۋىمىز قاجەت», - دەدٸ پارتييا تٶراعاسى. ٶز كەزەگٸندە «قازاقستان فەرمەرلەرٸ قاۋىمداستىعى» ربك باسقارما تٶراعاسى جيگۋلي دايراباەۆ:
– بٷگٸندە ەلٸمٸزدەگٸ ەربٸر اۋداندا فەرمەرلەر قاۋىمداستىعى جۇمىس ٸستەيدٸ. نەگٸزگٸ ماقساتىمىز – اۋىل ەلەۋەتٸن كٶتەرۋ. مەنٸڭ ايتايىن دەگەنٸم, سوڭعى جىلدارى «كەلەشەگٸ جوق اۋىلدار» دەگەن حالىققا جاعىمسىز شەشٸم قابىلداندى. كەيبٸر دەرەكتەرگە سٷيەنسەك, 1100 اۋىل كەلەشەگٸ جوق دەگەن جەلەۋمەن وڭتايلانىپ, ٸرٸ اۋىلدارعا, قالاعا كٶشٸرٸلٸپ جاتىر. بۇل دۇرىس ەمەس. بٸزدٸڭ قازاقتىڭ تامىرى اۋىلدا. ەكٸ وتباسى تۇراتىن اۋىل بولسا دا, سول اۋىلدىڭ جاعدايى جاسالۋى كەرەك. وسى مەسەلەنٸ قولعا الساق پا دەپ وتىرمىز. اۋىلدى كٶركەيتپەي, مەملەكەتتٸڭ جاعدايى وڭالادى دەپ ايتۋ قيىن. اۋىلدا تۇرۋ ٷشٸن اۋىل ەڭبەككەرلەرٸنە تيياناقتى جاعداي جاسالۋى كەرەك. بٸلٸم, مەدەنيەت, سپورت سىندى قاي سالانى الساق تا, قالادان كەم تۇرماۋى كەرەك, – دەدٸ ج. دايراباەۆ.
مەموراندۋمعا قول قويۋ رەسٸمٸندە «اۋىل» پارتيياسىنىڭ تٶراعاسى ەلي بەكتاەۆ «قازاقستان فەرمەرلەرٸ قاۋىمداستىعىنان» قابىلدانعان پارتييانىڭ جاڭا مٷشەلەرٸنە پارتييالىق بيلەتتەردٸ تابىس ەتتٸ. «قازاقستان فەرمەرلەرٸ قاۋىمداستىعىنىڭ» باسقارما تٶراعاسى مەن ورىنباسارلارى, اتقارۋشى ديرەكتورى جەنە ايماقتىق فيليالدارىنىڭ تٶراعالارى سالتاناتتى رەسٸممەن «اۋىل» پارتيياسىنىڭ قاتارىنا قابىلداندى.
