"كەشە جەرلەستەرىمنىڭ ءبىرى تالىپتەر سوتسىز جانە تەرگەۋسىز 400-دەن استام ادامدى اتىپ تاستاعانىن حابارلادى. مەن تۋىپ-وسكەن اۋىلدا سودىرلار 13 ەر ازاماتتى ءولتىرىپ، شۇڭقىرعا كومىپ تاستاعان. ولاردىڭ ەشقايسىندا قارۋ بولعان ەمەس. ءبارى ديقاندار ەدى"، - دەيدى ديپلومات.
ول جۋرناليستەرگە بىرنەشە سۋرەتتى كورسەتىپ، بۇل اۋعانستاندى باسىپ العان "تاليبان" قوزعالىسىنىڭ اسكەري قىلمىستارىن دالەلدەيدى دەدى.
تاجىك دەپۋتاتى سايدجافار ۋسمونزودا بارلىق ماتەريالداردى بۇۇ جانە باسقا دا حالىقارالىق ۇيىمدارعا جىبەرۋدى ۇسىندى.
8 قازاندا "تاليبان" قوزعالىسىنىڭ پانجشەر ايماعىنداعى رەسمي وكىلى ماۆلاۆي وگو مير ادامدار جاپپاي كومىلگەن جەر تابىلعانىن، وندا اۋعانستاننىڭ ۇلتتىق قارسىلىق مايدانىنىڭ ءۇش جاۋىنگەرىنىڭ دەنەسى بولعانىن مالىمدەگەن.
قىركۇيەك ايىنىڭ باسىندا "تاليبان" قوزعالىسى اۋعانستاننىڭ ۇلتتىق قارسىلىق مايدانى قورعاپ جاتقان پانجشەر قالاسىن ءوز باقىلاۋىنا العانىن مالىمدەگەن.
اۋعانستاندا بەيبىت تۇرعىندار سوتسىز ءولىم جازاسىنا تارتىلىپ جاتقانىن حالىقارالىق ۇيىمدار دا حابارلاپ جاتىر.
https://dalanews.kz/ekonomika/68844-kiago-avtosherui-qazaqstandy-ashamyz
