استانانىڭ 20 جىلدىق مەرەيتويىنا وراي ۇيىمداستىرىلعان شارانى تۇركىستان قالاسىنىڭ اكىمى الىپبەك وسەربايەۆ مەن استانا قالاسى مادەنيەت جانە سپورت باسقارماسى باسشىسىنىڭ ورىنباسارى ناريما مۇحامبەتالينا قۇتتىقتاۋ سوزبەن اشىپ بەردى.
كونسەرتتە استانا قالاسىنىڭ مەملەكەتتىك اكادەميالىق فيلارمونياسىنىڭ قازاق وركەسترى، «شالقىما» حالىق ءبيى ءانسامبلى، ەسترادالىق بي ءانسامبلى، كلاسسيكالىق، ەسترادالىق جانە حالىق ۆوكالىنىڭ سوليستەرىمەن قاتار، ق ر مادەنيەت قايراتكەرى، ءانشى كلارا تولەنبايەۆا، ق ر ەڭبەك سىڭىرگەن قايراتكەرى، ءانشى التىناي جورابايەۆا، مارجان اراپبايەۆا، اسقار جايلاۋبايەۆ، باۋىرجان يسايەۆ جانە الماس كىشكەنبايەۆ سىندى وتاندىق ەسترادا جۇلدىزدارى ونەر كورسەتىپ، تۇركىستاندىق كورەرمەندەرگە ايرىقشا كەش سىيلادى.
ايتا كەتسەك، استانا قالاسى اكىمدىگى مەن ەلوردانىڭ مادەنيەت جانە سپورت باسقارماسىنىڭ ۇيىمداستىرۋىمەن ءوتىپ جاتقان ايتۋلى مەرەكەلىك شارا ەلىمىزدىڭ بارلىق وڭىرلەرىندە جۇزەگە اسۋدا.
تۇركىستان وبلىسى اكىمىنىڭ باسپا ءسوز قىزمەتى
