استانادا زورلىق ارەكەتىنە قاتىستى داۋلى وقيعا بويىنشا سوتقا دەيىنگى تەرگەۋ امالدارى باستالدى. كۇدىكتى — ۇلتتىق قورعانىس ۋنيۆەرسيتەتىندە قىزمەت ەتەتىن پولكوۆنيك، دەپ حابارلايدى Dalanews.kz.
رەسمي مالىمەتكە سۇيەنسەك، ارىزدى 47 جاستاعى ايەل جازعان. ونىڭ ايتۋىنشا، وقيعا اسكەري قالاشىق اۋماعىندا بولعان. ايەل ەر اداممەن بۇرىننان تانىس بولعاندىقتان، سول كۇنى ءوزى ونىڭ ۇيىنە بارعانىن ايتادى.
“قازىرگى تاڭدا 47 جاستاعى قالا تۇرعىنىنىڭ شاعىمى بويىنشا قىلمىستىق كودەكستىڭ ءتيىستى بابى اياسىندا تەرگەۋ ءجۇرىپ جاتىر. كۇدىكتى ازامات انىقتالىپ، پوليسياعا جەتكىزىلدى. وقيعانىڭ ناقتى ءمان-جايى تەكسەرىلۋدە”، — دەدى قالالىق پوليسيا دەپارتامەنتىنەن.
قۇقىق قورعاۋ ورگاندارى بۇل ىسكە بايلانىستى ازىرگە وزگە اقپارات تاراتقان جوق.
