2013 جىلعى 15 ساۋىردەگى بوستون مارافونىنداعى تەراكتقا قاتىستى قىلمىستىق ىسكە كەدەرگى جاسادى دەپ ايىپتالىپ، التى جىلعا سوتتالعان قازاقستان ازاماتى دياس قادىربايەۆ باس پروكۋراتۋرانىڭ ەلگە قايتارۋىن سۇراعان ادامداردىڭ تىزىمىندە تۇر. وسى ءىس بويىنشا ءۇش جارىم جىلعا سوتتالعان كەلەسى - ازامات تاجاياقوۆ ەسىمدى ازاماتتى ەلگە قايتارۋ تۋرالى ءوتىنىش بەرىلمەگەن.
قازاقستان باس پروكۋراتۋراسى وتانىنا قايتارۋدى سۇراعان ادامداردىڭ ىشىندە اسەل ءابدىعاپپاروۆا دا بار. ول كىسى ولتىرۋگە قاتىسقانى ءۇشىن تەحاس شتاتىنداعى تۇرمەلەردىڭ بىرىندە 28 جىلعا سوتتالعان.
قازاقستان 2015 جىلدىڭ 6-شى اقپانىنان باستاپ، جازاسىن شەتەلدە وتەۋ تۋرالى، كەلىسىمگە قول قويعاندار اراسىندا ادام الماسۋ جايلى امەريكاارالىق كونۆەنسياعا قوسىلعان.
