«مەنى حالىق تالاي رەت تالاي قىزمەتكە ۇسىنعان. ينستيتۋت باسقارسىن، قازۇۋ-عا رەكتور، عىلىم اكادەمياسىنا پرەزيدەنت بولسىن دەدى. ءتىپتى ەل پرەزيدەنتتىگىنە دە ۇسىندى. ال مىنا ۇسىنىستى ءوزىم ەستىمەدىم» دەيدى اكادەميك.

ا.جۇمادىلدايەۆتىڭ بۇل تۋرالى بىلمەيتىندەي دە ءجونى بار. ويتكەنى ۇيالى تەلەفون قولدانبايتىنى بۇرىننان بەلگىلى ول عالامتورداعى الەۋمەتتىك جەلىلەردىڭ دە ەشقايسىسىنا تىركەلمەگەن ەكەن. ال ءوزىن فەيسبۋكتە قولداپ جاتقاندارعا العىس ءبىلدىردى.

«حالىقتىڭ قولداۋ بىلدىرگەنى مەن ءۇشىن ۇلكەن ابىروي. ونى جاسىرمايمىن. ءبىراق ەلدىڭ پىكىرى اۋمالى-توكپەلى ەكەنىن دە ۇمىتپاۋ كەرەك. بۇگىن توبەسىنە كوتەرگەنىمەن، ەرتەڭ جەرگە تاستاي سالۋى مۇمكىن. سوندىقتان مەن بۇعان فيلوسوفيالىق تۇرعىدان قارايمىن. قازاق «كورمەگەن كولدە ەستىمەگەن قازدىڭ داۋىسى بار» دەيدى. مەنىڭ ۇستانىمىم - سول» دەيدى ا.جۇمادىلدايەۆ.

ال «الدا-جالدا وسىنداي ۇسىنىس بيلىك تاراپىنان بولسا، نە ىستەيسىز؟» دەگەن سۇراققا بايلاگنىستى اكادەميك ولاي بولا قالاتىنىنا سەنبەيتىنىن ايتتى.

ەستەرىڭىزگە سالساق، فەيسبۋك قولدانۋشىلارىنىڭ ءبىرى جانىبەك قوجىق جۇمادىلدايەۆتى ەلىمىزدىڭ ءبىلىم جانە عىلىم ءمينيسترى ەتىپ تاعايىنداۋدى سۇراعان جازباسىن جاريالاعان ەدى. ءدال ءقازىر وعان لايك قويعانداردىڭ سانى 1200-دەن اسسا، جازبانى 540-تان استام ادام ءبولىسىپتى. سونداي-اق، «قولدايمىن» دەپ پىكىر جازعانداردىڭ سانى دا ارتۋدا.

دەرەككوز: kaz.caravan.kz