23 تامىزدا قۇرىلتاي سايلاۋى كٷنٸ الماتى وبلىسىنىڭ قاراساي اۋدانىندا ازاماتتىق بەلسەندٸلٸكتٸ ارتتىرۋعا باعىتتالعان ەرەكشە اكتسييا ٶتتٸ. كەسٸبي پاراپلانشى دجۋنۋسوۆ يسكەندەر سايلاۋ ۋچاسكەسٸنە كٶكتەن قالىقتاپ ۇشىپ كەلٸپ, ٶز تاڭداۋىن جاسادى, دەپ حابارلايدى dalanews.kz.
بۇل ەرەكشە قادام – ەل بولاشاعىنا دەگەن بيٸك ماقساتتار مەن ازاماتتىق بەلسەندٸلٸكتٸڭ جاڭا سيمۆولىنا اينالدى. يسكەندەر كٶك اسپاندا "قۇرىلتاي" دەگەن جازۋى بار جالاۋدى جەلبٸرەتٸپ, جۇرتشىلىقتى ساياسي ناۋقانعا بەلسەنە قاتىسۋعا شاقىردى.
"مەنٸڭ كەسٸبٸم مەن حوببيٸم ەرقاشان بيٸكتٸكپەن بايلانىستى. بٷگٸنگٸ “قۇرىلتاي” سايلاۋى دا ەلٸمٸزدٸڭ جاڭا بيٸكتەردٸ باعىندىرۋىنا جول اشاتىن ماڭىزدى قادام دەپ ەسەپتەيمٸن. سايلاۋ ۋچاسكەسٸنە ەۋە جولىمەن كەلۋ ارقىلى مەن ەربٸر قازاقستاندىقتىڭ تاڭداۋى ەلدٸڭ بولاشاق باعىتىن انىقتايتىنىن كٶرسەتكٸم كەلدٸ. بٸزدٸڭ بولاشاعىمىز – اشىق اسپان سيياقتى كەڭ ەرٸ جارىق بولۋى تيٸس", – دەدٸ يسكەندەر.
ەرەكشە اكتسييا تۇرعىنداردىڭ قىزىعۋشىلىعىن تۋدىرىپ, قاراساي اۋدانىنداعى داۋىس بەرۋ كٷنٸنٸڭ ەستە قالارلىق سەتتەرٸنٸڭ بٸرٸنە اينالدى.
