ۇلى جەڭىستىڭ 70 جىلدىعى قارساڭىندا،الماتى قالاسىنداعى رەسپۋبليكالىق ۇوس ارداگەرلەرى مەن مۇگەدەكتەرىنىڭ كلينيكالىق گوسپيتالىندە سوعىس ارداگەرلەرىنە ارنالعان «اشىق ەسىك» كۇندەرى ءوتتى.
بۇل شاراعا قازاق مەديسينالىق ۇزدىكسىز ءبىلىم بەرۋ ۋنيۆەرسيتەتىنىڭ پروفەسسورلىق-وقىتۋشىلار قۇرامىنان جاساقتالعان الدىڭعى قاتارلى ماماندارى جۇمىلدىرىلدى. بارلىق بىلىكءتى كاسىبي ماماندى ءبىر جەرگە توعىستىرىپ، وسىنداي جاناشىرلىق، قامقورلىق كورسەءتىپ جاتقان كەزدە ءمۇمكىندىكتى پايدالانعىسى كەلگەن قارت مايدانگەرلەر تاڭنىڭ اتىسىمەن-اق دياگنوستيكالىق تەكسەرۋگە كەلدى. اينالدىرعان ءبىر ساعاتتىڭ ىشىندە بارلىق تەكسەرۋدەن ءوتىپ، دارىگەر كەڭەسىن العان قاريالاردىڭ قۋانىشىندا شەك بولمادى. «اشىق ەسىك» كۇنى اياسىندا، ءار ارداگەر جۇرەگىن ەكگ-گە ءتۇسىرىپ، رەنتگەن، باس-ميىنىڭ ۋلترا دىبىستىق زەرتتەۋىنەن ءوتتى.
اكسيا سوڭىندا ارداگەرلەر وسىنداي جاعداي جاساعان قازاق مەديسينالىق ۇزدىكسىز ءبىلىم بەرۋ ۋنيۆەرسيتەتىنىڭ رەكتورى عالىمجان اسىلبەك ۇلى توعىزبايەۆ پەن وسى ۋنيۆەرسيتەتتىڭپروفەسسورلىق-وقىتۋشىلار قۇرامىنا زور ريزاشىلىقتارىن ءبىلدىردى.
