قر دەنساۋلىق ساقتاۋ مينيسترلٸگٸنٸڭ سانيتارييالىق-ەپيدەميولوگييالىق باقىلاۋ كوميتەتٸ اقتٶبە وبلىسىنداعى مەكتەپتەردٸڭ بٸرٸنٸڭ وقۋشىلارىن شىعۋ تەگٸ كٷمەندٸ ٶنٸمدەرمەن (سنەكتار) جاپپاي ۋلانۋ فاكتٸسٸ بويىنشا وسى ٶنٸمدەر ساتىلاتىن دٷكەندەرگە مونيتورينگ جٷرگٸزدٸ, دەپ حابارلايدى Dalanews.kz.
مونيتورينگ بارىسىندا 1,5 مىڭنان استام دٷكەن قامتىلدى, كەدەن وداعىنىڭ تەحنيكالىق رەگلامەنتتەرٸن ساقتاۋ تۇرعىسىنان زەرتحانالىق زەرتتەۋلەر ٷشٸن شىعۋ تەگٸ كٷمەندٸ يمپورتتىق ٶنٸمدەردٸڭ (سنەكتار) 14 ٷلگٸسٸ ساتىپ الىندى.
زەرتتەۋ نەتيجەلەرٸ بويىنشا وسى ٶنٸمنٸڭ قۇرامىندا دەم كٷشەيتكٸشتەر (تاعامدىق قوسپالار) بار ەكەنٸ انىقتالدى: ناتريي گلۋتاماتى (ە621), ناتريي گۋانيلاتى (ە627), ناتريي ينوزيناتى (ە631), ولاردى ٶندٸرٸستە قولدانۋ تەحرەگلامەنتتەردٸڭ تالاپتارىندا بەلگٸلەنبەگەن.
سەبك اتاپ ٶتكەندەي, دەمدٸ كٷشەيتكٸشتەرٸ بار ٶنٸمدەردٸ شامادان تىس تۇتىنۋ ٷنەمٸ ارتىق تاماقتانۋدى عانا ەمەس, كەيٸننەن سەمٸزدٸككە ەكەلٸپ سوقتىرادى, سونىمەن قاتار اللەرگييا, اس قورىتۋ بۇزىلىستارى, كٷيدٸرگٸ تۋدىرۋى مٷمكٸن.
تاعامداردى تاڭبالاۋدا ٶنٸمنٸڭ اتاۋى, ساندىق قۇرامى, تاعامدىق جەنە ەنەرگەتيكالىق قۇندىلىعى, دايىندالعان كٷنٸ مەن جارامدىلىق مەرزٸمٸ, ساقتاۋ شارتتارى, دايىنداۋشىنىڭ, يمپورتتاۋشى ۇيىمنىڭ ورنالاسقان جەرٸ, گمو بار ەكەندٸگٸ تۋرالى اقپارات جوق. سونداي-اق, ٶنٸمنٸڭ بەلگٸلەنگەن قاۋٸپسٸزدٸك تالاپتارىنا سەيكەستٸگٸن باعالاۋدى راستايتىن سەيكەستٸك تۋرالى دەكلاراتسييا جوق.
اتالعان ٶنٸم بويىنشا جەدەل دەن قويۋ شارالارى قابىلداندى, ول ساتۋدان الىندى. كٶرسەتٸلگەن تاعامداردى ساتاتىن ساۋدا نىساندارىنا تەحنيكالىق رەگلامەنتتەردٸڭ تالاپتارىنا سەيكەس تاڭبالانعان سەيكەستٸك تۋرالى دەكلاراتسييانىڭ مٸندەتتٸ تٷردە بولۋىمەن تاماق ٶنٸمدەرٸن ساتۋعا قابىلداۋ جٶنٸندەگٸ تالاپتاردىڭ ساقتالۋى تۋرالى حابارلامالار جٸبەرٸلدٸ.
قازٸرگٸ ۋاقىتتا وسى ٶنٸمدٸ ەكەلۋگە جەنە ساتۋعا تىيىم سالۋدى قوسا العاندا, سانيتارييالىق-ەپيدەميولوگييالىق ٸس-شارالار جٷرگٸزٸلۋدە.
سونداي-اق, اقپاراتتىق-تٷسٸندٸرۋ جۇمىستارى جٷرگٸزٸلۋدە, ونىڭ شەڭبەرٸندە حالىققا: تەكسەرٸلگەن ساۋدا ورىندارىنان تاۋارلاردى ساتىپ الۋ, قاپتامانىڭ زاتبەلگٸسٸنە, ٶنٸمنٸڭ تاڭبالانۋىنا نازار اۋدارۋ ۇسىنىلادى, وندا اتاۋى, قۇرامى, شىعارىلعان كٷنٸ, جارامدىلىق مەرزٸمٸ, ساقتاۋ شارتتارى كٶرسەتٸلۋٸ تيٸس, ەرتٷرلٸ ماركەتپلەيستەردەن كٷمەندٸ ٶندٸرٸلگەن يمپورتتىق تاماق ٶنٸمدەرٸنە تاپسىرىس بەرۋدەن اۋلاق بولۋ كەرەك, ٶيتكەنٸ بار ساپا مەن قاۋٸپسٸزدٸكتٸ تيٸستٸ باقىلاۋدان ٶتپەگەن تاۋارلاردى ساتىپ الۋ قاۋٸپتٸ.
