ءماجىلىس دەپۋتاتى، "اق جول" پارتياسىنىڭ ءتوراعاسى ازات پەرۋاشيەۆ ۇستالعان ورىنباسارى دميتريي ۆاسيليەۆكە قاتىستى تۇسىنىك بەردى، - دەپ حابارلايدى Dalanews.kz Massaget.kz-كە سىلتەمە جاساپ.
"بۇل اقپارات باق-تا جاريالاندى، ءبىراق رەسمي حابار بولعان جوق. جۇمادا ءبىز ۇقك-عا ساۋال جىبەردىك. كەشە ءبىز دميتريي ۆاسيليەۆ ۇستالدى دەگەن رەسمي جاۋاپ الدىق. بىزگە ونىڭ ادۆوكاتتارىن كورسەتتى. كەشە ءبىز ولارعا حابارلاسۋعا تىرىستىق. ازىرشە، ناتيجە بولمادى. ءبىراق بۇگىن-ەرتەڭ ءبىز ولاردى تابامىز دەپ ۇمىتتەنەمىن. ادۆوكاتتار بەرەتىن اقپاراتقا سۇيەنە وتىرىپ، ءبىز نە بولىپ جاتقانىن تۇسىنەمىز"، - دەدى دەپۋتات ءماجىلىس كۋلۋارىندا.
ازات پەرۋاشيەۆ ءىستىڭ ءمان-جايى انىقتالىپ جاتقانىن اتاپ ءوتتى.
"قانداي باپ ەكەنىن راستامادى. قانداي دا ءبىر قىزمەتتىك حاتتار تاراعان سياقتى. دالىرەك ايتساق، وعان ەمەس، ۇلتتىق ۇلاننىڭ لاۋازىمدى تۇلعاسىنا "پارا الدى" دەپ ايىپ تاعىلعان بولۋى مۇمكىن.
مۇندا ءىستىڭ نە تۋرالى ەكەنىن ءتۇسىنۋ كەرەك. قىلمىستىق كودەكستىڭ 367-بابىنا سايكەس، پارا بەرۋگە ءماجبۇر بولعان ادام قىلمىسكەر دەپ سانالمايدى. پارانىڭ باستاماشىسى كىم ەكەنىن ءتۇسىنۋ كەرەك. نە ۆاسيليەۆ، نە ول بوپسالاۋدىڭ قۇربانى بولدى"، - دەدى "اق جول" پارتياسىنىڭ ءتوراعاسى.
ەسكە سالايىق، 4 قىركۇيەكتە ۇلتتىق ۇلان باس قولباسشىسىنىڭ تەحنيكا جانە قارۋ-جاراق جونىندەگى ورىنباسارى كونستانتين ۆورونكين ۇستالدى. ىشكى ىستەر مينيسترلىگى بۇل اقپاراتتى راستادى.
