الماتى وبلىسىندا "التىن وردا" بازارىنىڭ بۇرىنعى اتقارۋشى ديرەكتورى سوتتالدى، دەپ حابارلايدى Dalanews.kz.
الماتى وبلىستىق سوتىنىڭ باسپا ءسوز قىزمەتى "التىن وردا" بازارىنىڭ بۇرىنعى اتقارۋشى ديرەكتورى ەرمەك مارقابايەۆقا قاتىستى ۇكىم شىعارىلعانىن حابارلادى. وعان 296-باپتىڭ 4-بولىگى "ەسىرتكى، پسيحوتروپتىق زاتتارمەن، سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ" بويىنشا ايىپ تاعىلدى.
سوت مالىمەتىنشە، بىلتىر جازدا الماتى - بىشكەك تاسجولىندا پوليسيا قىزمەتكەرلەرى ارتقى جولاۋشىلار ورىندىعىندا سوتتالۋشى وتىرعان اۆتوكولىكتى توقتاتقان. جەكە ءتىنتۋ كەزىندە ونىڭ ىشىندە ۇنتاق زات بار بايلام تابىلىپ، تاركىلەندى. سوت-حيميالىق ساراپتاما ناتيجەلەرى بويىنشا بۇل زات پسيحوتروپتى زات بولىپ شىقتى - سالماعى 1،796 گرامم بولاتىن مەفەدرون.
پروكۋرور سوتتالۋشىنى كىنالى دەپ تاۋىپ، 5 جىلعا باس بوستاندىعىنان ايىرۋدى سۇرادى. سوتتالۋشى ءوز كىناسىن مويىنداماي، ايعاق بەرۋدەن باس تارتتى.
"سوت جازا تاعايىنداۋ كەزىندە سوتتالۋشى م.-نىڭ بالاسىنىڭ بولۋىن قىلمىستىق جاۋاپتىلىق پەن جازانى جەڭىلدەتەتىن ءمان-جاي رەتىندە تانىدى.
قىلمىستىق جاۋاپتىلىقتى نەمەسە جازانى اۋىرلاتاتىن ءمان-جايلار انىقتالعان جوق.
سوت ۇكىمى بويىنشا، م.، قك-نىڭ 296-بابى 4-بولىگىندە كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ، وعان 4 جىل مەرزىمگە باس بوستاندىعىنان ايىرۋ جازاسى تاعايىندالدى"، - دەپ حابارلادى سوتتىڭ باسپا ءسوز قىزمەتى.
ەسكە سالايىق، ەرمەك مارقابايەۆ 2023 جىلدىڭ ماۋسىمدا "التىن وردا" ماڭىندا ۇستالعان بولاتىن. سودان كەيىن پوليسەيلەر ءتىنتۋ كەزىندە ودان ۇنتاق پەن تاپانشا تابىلعانىن حابارلادى.
