قازاقستاندا جاڭا بٸرپالاتالى قۇرىلتايدىڭ العاشقى سايلاۋى ٶتۋدە. بٷگٸن الماتى وبلىسىندا 1 042 987 ادام ٶز تاڭداۋىن جاساي الادى, ونىڭ ٸشٸندە كەمٸلەت جاسىنا تولعان 14 104 ازامات العاش رەت سايلاۋدا داۋىس بەرۋ قۇقىعىنا يە بولدى. ايتا كەتەيٸك, ٶڭٸردە تاڭعى 7:00-دەن باستاپ 683 سايلاۋ ۋچاسكەسٸ ٶز جۇمىسىن باستادى, دەپ حابارلايدى dalanews.kz.
مەسەلەن, وبلىس ورتالىعىنداعى №956 سايلاۋ ۋچاسكەسٸندە قازاقستان رەسپۋبليكاسىنىڭ مەملەكەتتٸك ەنۇرانى ورىندالعاننان كەيٸن, داۋىس بەرۋ پروتسەسٸ باستالدى. مۇندا العاشقىلاردىڭ بٸرٸ بولىپ قوناەۆ قالاسىنىڭ قۇرمەتتٸ ازاماتى امانگەلدٸ بەسپاەۆ كەلدٸ. اقساقال الدىمەن جينالعان جۇرتقا باتا بەرٸپ, ەل ٷشٸن ماڭىزدى وقيعادا دۇرىس تاڭداۋ جاساۋعا شاقىردى. قازاق دەستٷرٸندە مۇنداي اقجولتاي تٸلەكتەر ماڭىزدى ٸس-شارالاردىڭ الدىندا ايتىلادى.
«ەلٸمٸز ٶركەدەي بەرسٸن! جاساعان تاڭداۋىمىز كەلەر ۇرپاقتىڭ يگٸلٸگٸنە قىزمەت ەتسٸن. بارشا جەرلەستەرٸمە اماندىق, بٸرلٸك پەن بەرەكە تٸلەيمٸن», – دەدٸ قارييا.
وبلىستاعى بارلىق سايلاۋ ۋچاسكەلەرٸ قاجەتتٸ ماتەريالدىق-تەحنيكالىق قۇرالدارمەن قامتاماسىز ەتٸلگەن جەنە داۋىس بەرۋدٸ ٶتكٸزۋگە دايىن. بايقاۋشىلاردىڭ, سەنٸم بٸلدٸرٸلگەن ادامداردىڭ جەنە بۇقارالىق اقپارات قۇرالدارى ٶكٸلدەرٸنٸڭ قاتىسۋى ٷشٸن بارلىق قاجەتتٸ جاعداي جاسالدى.
سايلاۋ پروتسەسٸنٸڭ قولجەتٸمدٸلٸگٸنە ەرەكشە نازار اۋدارىلدى. ايتا كەتەيٸك, ٶڭٸردە 2 122 ەرەكشە قاجەتتٸلٸگٸ بار سايلاۋشى داۋىس بەرۋگە قاتىسا الادى. سايلاۋ ۋچاسكەلەرٸندە داۋىس بەرۋگە ارنالعان ارنايى كابينالار, پاندۋستار, تاكتيلدٸ كٶرسەتكٸشتەر جەنە قولجەتٸمدٸ اقپاراتتىق ماتەريالدار قاراستىرىلعان. دەنساۋلىق جاعدايىنا بايلانىستى سايلاۋ ۋچاسكەسٸنە ٶزدٸگٸنەن كەلە المايتىن ازاماتتار ٷشٸن زاڭناماعا سەيكەس داۋىس بەرۋگە ارنالعان ٷي-جايدان تىس, تۇرعىلىقتى جەرٸ بويىنشا داۋىس بەرۋ مٷمكٸندٸگٸ قامتاماسىز ەتٸلگەن.
سايلاۋ كٷنٸنە دەيٸن ٶڭٸر تۇرعىندارىنا 1 ميلليوننان استام شاقىرۋ تابىستالدى. داۋىس بەرۋ كٷنٸ ٶز ەلدٸ مەكەنٸنەن تىس جەردە بولاتىن ازاماتتارعا 2 238 ەسەپتەن شىعارۋ كۋەلٸگٸ بەرٸلدٸ.
ايتا كەتەيٸك, سايلاۋ حالىقارالىق بايقاۋشىلاردىڭ قاتىسۋىمەن ٶتۋدە. قازاقستان رەسپۋبليكاسى ورتالىق سايلاۋ كوميسسيياسى 42 شەت مەملەكەتتەن جەنە 13 حالىقارالىق ۇيىمنان 777 حالىقارالىق بايقاۋشىنى اككرەديتتەدٸ. ولاردىڭ قاتىسۋى سايلاۋ پروتسەسٸنٸڭ بارىسىن حالىقارالىق دەڭگەيدە بايقاۋعا مٷمكٸندٸك بەرەدٸ.
سايلاۋ ۋچاسكەلەرٸ زاڭنامادا بەلگٸلەنگەن ۋاقىتقا سەيكەس جۇمىسىن جالعاستىرادى. الماتى وبلىسىنىڭ تۇرعىندارى ٶزدەرٸنٸڭ كونستيتۋتسييالىق قۇقىقتارىن ٸسكە اسىرىپ, قۇرىلتايدىڭ جاڭا قۇرامىن قالىپتاستىرۋعا قاتىسا الادى.
