365info.kz ءتىلشىسىنىڭ حابارلاۋىنشا، كۇش قۇرىلىمى بۇل اۋداندى وقشاۋلاپ تاستاعان. ول اۋماقتا تۇرعىن ءۇي قۇرىلىس جيناق بانكى جانە نۇر وتان پارتياسىنىڭ عيماراتتارى ورنالاسقان.
كەيبىر دەرەكتەر بويىنشا، ءبىر توپ ادام كولىكتىڭ تەرەزەسىنەن اۆتوماتتارىن شىعارىپ، پوليسيا قىزمەتكەرلەرىنە شابۋىلداعان. ازىرگە ەكى جارالى جانە ءبىر قازا تاپقان پوليسيا قىزمەتكەرى تۋرالى مالىمەت بار.
پوليسيانىڭ كەلتىرگەن دەرەگىنە سۇيەنسەك، قولىندا قارۋى بار تاعى ءبىر ەر ادام سەيفۋللينا — ايتەكە بي كوشەلەرىنىڭ بويىندا ورنالاسقان تۇرعىن ۇيلەردىڭ اۋلاسىندا ءجۇر.
„استانا„ الاڭى پاركىنە پوليسيا، ارنايى قىزمەت، ۇلتتىق قاۋىپسىزدىك قىزمەت قىزمەتكەرلەرى مەن ساپەرلەر تارتىلعان. ارنايى وپەراسيا جۇرگىزىلىپ جاتىر. ابىلاي حان كوشەسىندە كولىك قوزعالىسى توقتاتىلدى، باعدارشامدار سوندىرىلگەن.
كەم دەگەندە ەكى پوليسيا قىزمەتكەرى كوز جۇمعان. بەس ادام زارداپ شەككەن.
