2020 جىلدىڭ قىركۇيەگىندە ىلە-الاتاۋ ۇلتتىق پاركىنە جەر تەلىمىن قايتارۋ پروسەدۋراسىن جەڭىلدەتۋ ءۇشىن ەرەكشە قورعالاتىن تابيعي اۋماقتار تۋرالى زاڭعا تۇزەتۋلەر ەنگىزىلدى.
بىر-ەكى ايدان كەيىن، 20 جەلتوقساندا الماتى اكىمدىگى قاۋلى شىعاردى. وندا تۋريزم دەپارتامەنتى كوكجايلاۋ شاتقالى اۋماعىن اقىسىز پايدالانۋ قۇقىعىن توقتاتقانى ايتىلعان. بۇل تۋرالى قالالىق جەر قاتىناستارى باسقارماسى حابارلادى.
ىلە-الاتاۋ ۇلتتىق پاركىنە جەردى قايتارۋ بويىنشا ودان ارعى پروسەدۋرا ۇكىمەتتىڭ شەشىمىمەن جۇزەگە اسىرىلادى.
2014 جىلى ۇكىمەتتىڭ قاۋلىسى شىعىپ، ىلە-الاتاۋ ۇلتتىق پاركىنىڭ جەرلەرى ەرەكشە قورعالاتىن تابيعي اۋماقتار ساناتىنان الماتى قالاسى مەدەۋ اۋدانىنىڭ رەزەرۆتىك جەرلەرى ساناتىنا اۋىستىرىلدى. بۇل كوك-جايلاۋ شاتقالىندا تاۋ شاڭعىسى كۋرورتىن سالۋ ءۇشىن جاسالدى.
قوعام قايراتكەرلەرى بۇل شاراعا قارسى شىقتى. 2019 جىلى پرەزيدەنت ولاردىڭ پىكىرىن ەسكەرە وتىرىپ، شاتقالدا كۋرورت سالۋعا تىيىم سالدى.
