الماتىدا 700 ميلليون تەڭگەنٸڭ جەرلەرٸ مەملەكەتكە قايتارىلدى, - دەپ حابارلايدى Dalanews.kz.
قالا ورتالىعىندا جەكە تۇلعالارعا زاڭسىز بەرٸلگەن جەر ۋچاسكەلەرٸن مەدەۋ اۋدانىنىڭ پروكۋراتۋراسى انىقتاعان. 2009 جىلى مەملەكەت مۇقتاجى ٷشٸن شىعىس اينالما اۆتوجولىنىڭ قۇرىلىسىنا بايلانىستى نارىقتىق قۇنى بويىنشا 1,2 ملرد تەڭگەگە رادلوۆ كٶشەسٸ بويىنشا 13 جەر ۋچاسكەسٸ ساتىپ الىنعان."الماتى ەكك" اق 2021 جىلى الىنعان ۋچاسكەلەردٸڭ بٸرٸ (35 اكر) قوعامدىق ٸس-شارالار كەشەنٸن سالۋ ٷشٸن جشس-گە بەرٸلگەن.
اۋدانى 3500 شارشى مەتر عيماراتتىڭ ورنىنا زاڭدى تۇلعا 22 شارشى مەتر تەحنيكالىق ٷي-جاي تۇرعىزىپ, 32 ملن تەڭگەگە جەردٸ جەكە مەنشٸككە زاڭسىز ساتىپ العان. بۇل رەتتە, ۋچاسكەدە كەزەكتٸ كوممەرتسييالىق وبەكتٸنٸ سالۋ ٸس جٷزٸندە جوسپارلانعان بولاتىن, بۇل حالىق پەن قالا ٷشٸن قوعامدىق ماڭىزى جوق.
مەدەۋ اۋدانى پروكۋراتۋراسىنىڭ تالاپ ارىزى بويىنشا سوت مەمٸلەلەردٸ جارامسىز دەپ تانىدى (زاڭدى كٷشٸنە ەنگەن جوق). تاعى بٸر جاعدايدا, وسى اۋداندا 2020 جىلى مٸندەتتٸ اۋكتسيون ٶتكٸزبەستەن, ەڭ جاقسى ۇسىنىستى تاڭداماي, جەرگٸلٸكتٸ اتقارۋشى ورگان كوممەرتسييالىق ماقساتتار ٷشٸن تاعى بٸر جشس-گە ۋچاسكە (37 اكر) بەرگەن. جەر وسى ۋاقىتقا دەيٸن يگەرٸلمەگەن. پروكۋراتۋرانىڭ قاداعالاۋ اكتٸسٸ بويىنشا جىلجىمايتىن مٷلٸك مەملەكەتكە قايتارىلدى.
جوعارىدا اتالعان مٷلٸكتەردٸڭ نارىقتىق قۇنى 700 ملن تەڭگەدەن اسادى.
