بۇگىندە الماتى وبلىسىندا سىيىمدىلىعى 25،7 مىڭ باس بولاتىن 82 ءسۇت فەرماسى جۇمىس ىستەۋدە. جىل باسىنان بەرى قاراتال، ىلە، ەڭبەكشىقازاق جانە پانفيلوۆ اۋداندارىندا سىيىمدىلىعى 2400 باس بولاتىن 6 ءتاۋارلى-سۇت فەرماسى ىسكە قوسىلدى، – دەپ حابارلايدى الماتى وبلىسى اكىمىنىڭ باسپا ءسوز قىزمەتى.

الماتى وبلىستىق اۋىل شارۋاشىلىعى باسقارماسىنىڭ مالىمەتىنشە، جىل سوڭىنا دەيىن وبلىستا سىيىمدىلىعى 2 مىڭ باسقا ارنالعان 6 ءتاۋارلى-سۇت فەرماسىن پايدالانۋعا بەرىلەدى دەپ جوسپارلانعان. 8 ايدىڭ قورىتىندىسى بويىنشا وبلىستا 547،5 مىڭ توننا ءسۇت ءوندىرىلدى. ونىڭ 89،0 مىڭ توننا ءسۇتى ءتاۋارلى-سۇت فەرماسىنا تيەسىلى.



وتكەن جىلى وبلىستا 788،2 مىڭ توننا ءسۇت وندىرىلگەنىن، ونىڭ ىشىندە 87،2 مىڭ تونناسى ءتاۋارلى-سۇت فەرمالارىندا وندىرىلگەنىن اتاپ وتكەن ءجون. 2020 جىلعا ارنالعان ءسۇت ءوندىرۋ جوسپارى 816،7 مىڭ توننانى قۇرايدى. ونىڭ ىشىندە ءتاۋارلى-سۇت فەرمالارىنىڭ ۇلەسى  92،0 مىڭ توننا.