شاعىن جانە ورتا بيزنەستى دامىتۋ اۋدان ەكونوميكاسىنىڭ ءوسۋ رەزەرۆىنىڭ ءبىرى بولىپ تابىلادى. اۋداندا كاسىپكەرلىك كورسەتكىشتەرىنىڭ وڭ سەرپىنى بايقالادى.
الايدا COVID-19-نىڭ تارالۋى جانە ونىڭ سالدارى بيزنەستىڭ ەكونوميكالىق بەلسەندىلىگىنىڭ تومەندەۋىنە ايتارلىقتاي اسەر ەتتى.
ەكونوميكانىڭ بولشەك جانە كوتەرمە ساۋدا، كولىك جانە ساقتاۋ، جىلجىمايتىن مۇلىك، قوناق ءۇي بيزنەسى، قوعامدىق تاماقتاندىرۋ سياقتى سەكتورلارى زارداپ شەكتى، ال ولار ءوڭىر ەكونوميكاسىنىڭ 38%-ىن قۇرايدى. اتالعان ماسەلەنى تارازى باسىنا سالساق شاعىن دانە ورتا كاسىپتى قولداۋدىڭ وزەكتىلىگى كۇن ساناپ ارتىپ كەلە جاتقاندىعىن بايقايمىز. حالىقتىڭ باسىم بولىگى وسى سالاعا بەت بۇرسا، سول ارقىلى حالىقتىڭ حال-احۋالى دا وڭالا تۇسپەك.
وسى رەتتە مەملەكەتتىك دامۋدىڭ قوزعاۋشى سەكتورى سانالار شاعىن جانە ورتا كاسىپكەرلىكتىڭ وركەندەۋى مەن كەدەرگىلەردى جويۋ بويىنشا «Nur Otan» پارتياسى تاراپىنان قاراستىرىلعان جاڭا مۇمكىندىكتەر جايىندا ءسوز قوزعالدى.
«Nur Otan» پارتياسى اۋداندىق فيليالى ءتوراعاسىنىڭ ءبىرىنشى ورىنباسارى، اۋداندىق ءماسليحاتقا ۇمىتكەر ق.كوكەبايەۆ ءوڭىر اۋماعىندا بيزنەس وكىلدەرىنە قاراستىرىلعان جەڭىلدىكتەر مەن ارتىقشىلىقتار جايىندا اڭگىمە ءوربىتىپ، پارتيانىڭ وسى باعىتتا اتقارىپ جاتقان جۇمىستار لەگىمەن تانىستىردى.
ءوز سوزىندە پاندەميا سالدارىنان اقساڭداي باستاعان ورتا جانە شاعىن كاسىپكەرلىكتى قايتادان اياققا تۇرعىزۋ، ودان ءارى دامىتۋ جولدارىن ايشىقتاپ، كورسەتىلەر كومەكتەرگە دە توقتالدى.
ءماجىلىس دەپۋتاتتىعىنا ۇمىتكەر د.كاريموۆ كاسىپكەرلىك سالاسىنىڭ ازۋلى وكىلى بولعاندىقتان الدا كەزدەسەر كەدەرگىلەردى قالاي جەڭۋ كەرەكتىگى جايلى ماعلۇمات بەرىپ، بيزنەستى دامىتۋدىڭ ءتيىمدى ءارى وڭتايلى جولدارىن كورسەتتى.
سونىمەن قاتار باس پارتيانىڭ كاسىپكەرلىككە قولداۋ كورسەتۋ بويىنشا بەكىتىلگەن يگىلىكتى شارالارى مەن باعدارلامالارىن تىلگە تيەك ەتتى.
ل.تۋكەيەۆا، الاكققل اۋداندىق «Nur Otan» پارتياسىنىڭ سايلاۋالدى شتابى قارجىلىق جانە ماتەريالدىق-تەحنيكالىق قامتاماسىز ەتۋ ءبولىمىنىڭ مەڭگەرۋشىسى.
(ماتەريال اقىسى «Nur Otan» پارتياسىنىڭ الماتى وبلىسى الاكول اۋدانىنىڭ سايلاۋ قورىنىڭ ەسەبىنەن تولەندى)
