Air Astana اۋە كومپانياسىندا 1 ملرد تەڭگەدەن استام قاراجاتتى جىمقىرۋ سحەماسى اشكەرەلەندى. بۇل تۋرالى جۋرناليست ميحايل كوزاچكوۆ ءمالىم ەتتى، دەپ حابارلايدى Dalanews.kz.
“Air Astana كومپانياسىندا 1 ملرد تەڭگەدەن استام قاراجاتتىڭ جىمقىرىلعانى انىقتالدى. بۇل سوما سوڭعى ءۇش جىلداعى اۋديت بارىسىندا بەلگىلى بولدى. تەكسەرۋدى “Ernst & Young” ج ش س ماماندارى جۇرگىزگەن. ولاردىڭ دەرەگىنشە، بەلگىسىز تۇلعالار اۋە بيلەتتەرىن برونداۋ بويىنشا اقپاراتتىق جۇيەگە وزگەرىستەر ەنگىزىپ، كومپانيا مۇلكىن تالان-تاراجعا سالعان. اۋديتورلىق ەسەپتى العاننان كەيىن Air Astana باسشىلىعى قۇقىق قورعاۋ ورگاندارىنا جۇگىندى”، — دەيدى جۋرناليست.
ونىڭ سوزىنشە، اۆياكومپانيا وكىلى ەربولات سۇگىىربايەۆ وسى ىسكە قاتىستى ارىز جازعان.
“اتالعان فاكتى بويىنشا قىلمىستىق كودەكستىڭ 189-بابىنىڭ 4-بولىگى (“اسا ءىرى كولەمدە اقشا جىمقىرۋ”) بويىنشا سوتقا دەيىنگى تەرگەۋ باستالدى”، – دەپ جازدى كوزاچكوۆ Telegram-ارناسىندا.
ونىڭ ايتۋىنشا، كەلتىرىلگەن زالال سوماسى 1 054 740 000 تەڭگەنى قۇرايدى.
“بۇل اۋىر قىلمىس ءۇشىن 7 جىلدان 12 جىلعا دەيىن باس بوستاندىعىنان ايىرۋ جازاسى قاراستىرىلعان. ادەتتە، مۇنداي ىستەر كاسىپورىننىڭ لاۋازىمدى تۇلعالارىنا قاتىستى تەرگەلەدى. سوندىقتان ۇلتتىق اۋە تاسىمالداۋشىسىنىڭ كەيبىر توپ-مەنەدجەرلەرى سوت الدىندا جاۋاپ بەرۋى مۇمكىن”، – دەپ تولىقتىردى كوزاچكوۆ.
