اعايىندىلاردى ايۋاندىقپەن ٶلتٸرگەندەر لايىقتى جازاسىن الدى
ال قىلمىستى كٶرە تۇرا, ونى ەشكٸمگە ايتپاعان مالشى دا تيٸستٸ جازاسىن الدى. بٸراق مال ٷشٸن ادام ٶلتٸرگەندەر ٷكٸم كەزٸندە دە مٸز باقپادى. ەسەسٸنە, ولارعا شاڭ جۋىتپاعان تۋىستارى سوتتىڭ الدىندا جۋرناليستەرمەن جۇلىسا جازدادى.
اسا ايۋاندىقپەن ادام ٶلتٸردٸ دەپ ايىپتالعاندار بۇل جولى دا جايدارى. كٸسەنٸ شەشٸلٸپ, بٸراز ەركٸن وتىردى. تەك ٷكٸم وقىلعاندا بارىپ باسىن كٶتەرۋگە دە شاماسى كەلمەي قالدى.
– سٷلەيمانوۆ تالعات باتىربەكۇلىنا تٷپكٸلٸكتٸ ٶمٸربويى باس بوستاندىعىنان ايىرۋ جازاسى تاعايىندالسىن! وڭالباەۆ مۇرات تٸلەكتەسۇلى 25 جىلعا باس بوستاندىعىنان ايىرىلسىن, – دەپ سوت كەسٸمٸن ايتتى.
باستى ايپتالۋشى – تالعات سٷلەيمەنوۆتٸ سوت 5 باپ بويىنشا كٸنەلٸ دەپ تاپتى. قاراقشى باستاپقىدا بٸراز ەرەكەتٸن مويىنداماعان. بٸراق مارقۇمداردى اتقان قارۋ قىلمىستىڭ بارلىعىن ەشكەرەلەپ بەردٸ. وسىلايشا, ارام پيعىلىن الدىن الا ويلاستىرعان سٷلەيمەنوۆ لاڭكەس كٷلٸكباەۆ جاتقان كولونيياعا جٸبەرٸلدٸ. ال ونىڭ سىبايلاسى مۇرات وڭالباەۆ بولسا باقانداي 25 جىلعا قاتاڭ رەجيمدەگٸ تٷرمەگە قامالدى. قاندى قىلمىستى جاسىرىپ قالعان مالشى تٶرت جىلعا باس بوستاندىعىنان ايىردى. قىلمىسكەرلەردٸڭ ەيەلدەرٸ سوتتان ەڭٸرەپ قايتتى.
ٶمٸرباقي باس بوستاندىعىنان ايىرۋ جازاسىمەن كەلٸسپەگەن مارقۇمداردىڭ تۋىستارى ەندٸ اپەللياتسيياعا جٷگٸنبەك. ەستەرٸڭٸزگە سالساق قاندى قىلمىس قىركٷيەكتە بولعان. ۇزىناعاشتىڭ مال بازارىنان ٷش جٸگٸتتٸ مالىمەن الداپ شىعارعاندار, ارتىنشا جارقىنبەك, قادٸلبەك, مۇقييات ەسٸمدٸ ٷش اعايىندىنى اۋلاققا اپارىپ ايۋاندىقپەن ٶلتٸرگەن ەدٸ.
