بيىل شىلدەدە 7 قازاقستاندىق تەرروريستىك قىلمىس جاساعانى ءۇشىن سوتتالدى، دەپ حابارلايدى Dalanews.kz.
تۇركىستان قالاسىنىڭ سوتى جەرگىلىكتى تۇرعىندى شەتەلدەگى تەرروريستىك ۇيىمنىڭ قىزمەتىنە قاتىسقانى ءۇشىن 8 جىلعا باس بوستاندىعىنان ايىردى. بۇعان دەيىن ول شەت مەملەكەتتىڭ اۋماعىندا ۇستالىپ، ارنايى كۇزەتپەن قازاقستانعا دەپورتاسيالانعان.
"الماتى وبلىسىنىڭ تۇزەۋ مەكەمەسىندە جازاسىن وتەپ جاتقان راديكالدى يدەولوگيانىڭ جاقتاۋشىسى كىسى ولتىرۋگە ارەكەتتەنگەنى جانە تەرروريزمدى ناسيحاتتاعانى ءۇشىن قوسىمشا 9 جىلعا باس بوستاندىعىنان ايىرىلدى"، - دەپ جازىلعان حابارلامادا.
الماتى، جامبىل، باتىس قازاقستان وبلىستارىنىڭ، الماتى جانە استانا قالالارىنىڭ سوتتارى 5 ادامدى تەرروريزمدى ناسيحاتتاپ، شەتەلدەگى سوعىس قيمىلدارى ايماقتارىنا شىعۋعا ارەكەتتەنگەنى ءۇشىن 4 جىلدان 8 جىلعا دەيىن باس بوستاندىعىنان ايىرۋ جازاسىنا كەستى.
