Сауда және интеграция бірінші вице-министрі Арман Шаққалиев жұмыс сапарымен өңірге барды.
Бірінші вице-министр облысқа сапары аясында жұртшылықпен және бизнес бірлестіктермен кездесіп, азаматтардың жеке қабылдауын өткізді. Сондай-ақ, ол «Алтын-Шығыс» ЖШС зауыты, «Восток-Сүт корпорациясы» ЖШС, «Дос-Нар» базары сияқты ӘМАТ сату және өндіру нысандарын аралады.
Арман Шакқалиевтің айтуынша,
ШҚО еліміздегі күнбағыс егіс алқаптарының көлемі бойынша бірінші орында тұр, бұл өңірде жеткілікті шикізат базасының болуы 2019 жылы Қазақстандағы ең ірі май экстракциялық зауытының құрылысына ықпал етті.
Оның құны 28,8 млрд теңге, күнбағыс тұқымын өңдеу қуаты тәулігіне 1000 тоннаны құрайды.
«ӘМАТ бағасын тұрақтандыру үшін үкімет жедел әрі жүйелі шаралар қабылдауда. Мәселен, ШҚО-да «Ертіс» ӘКП» АҚ Крупнофф ЖШС-мен 1 млрд 694 млн теңге сомасына қант жеткізу бойынша айналым схемасы бойынша шарт жасасты. Қант бағасын тұрақтандыру бойынша жүйелі шаралар 2026 жылға дейін есептелген қант саласын дамытудың кешенді жоспарына енгізілген. Бұл шаралар, басқалармен қатар, қант қызылшасын өсіруге арналған алаңдарды ұлғайтуды және тұрғындарды қантпен жеткілікті мөлшерде қамтамасыз ету үшін отандық зауыттарды жаңғыртуды көздейді», - деді Арман Шаққалиев.
Сонымен қатар, бірінші вице-министр Шығыс Қазақстан облысындағы негізгі азық-түлік өнімдерінің бағасын тұрақтандыру үшін супермаркеттермен, үйдегі дүкендермен, өндірушілермен әлеуметтік өнімдерге 10% - дық сауда үстемесін арттырмау бойынша 846 меморандумға қол қойылғанын хабарлады.
Облыста тұрақты негізде ауыл шаруашылығы жәрмеңкелері өткізіліп тұрады және қазірдің өзінде 600-ден астам жәрмеңке өткізіліп, онда 2,7 млрд теңгенің өнімі сатылды.
Облыста 30 әлеуметтік дүкен және 417 әлеуметтік бұрыштар жұмыс істейді, онда негізгі әлеуметтік маңызы бар азық-түлік тауарлары ең төменгі сауда үстемесін қолдана отырып сатылады.
