Турнирдің ашылу салтанатында аудан әкімі Ерлан Айтаханов сөз сөйлеп, спорт сүйер қауымға шынайы тілегін жеткізіп, жарысты ашық деп жариялады.
– Елбасымыз Нұрсұлтан Назарбаев халыққа арнаған әрбір Жолдауында бұқаралық спортты дамытуды, оның ішінде ұлттық спорт түрлеріне баса көңіл бөлу керектігін үнемі айтып келеді. Құрылғанына бір-ақ жыл болған аудандық ұлттық ат спорты федерациясы өнімді еңбек етіп келеді. Осы тұрғыда федерация президенті іскер азамат, аудандық мәслихаттың депутаты Төрегелді Ақжігітке алғыс айтсақ жарасады. Додаға түскен аттарыңыз сүрінбесін, жігіттер жығылмасын. Іске сәт, – деді аудан басшысы Ерлан Қуанышұлы.
Әкімнен соң сөз алған мәслихат депутаты, аудандық ұлттық ат спорты федерациясының президенті Төрегелді Ақжігіт әрдайым Елбасы саясатын қолдайтынын, келесі 2019 жастар жылында жұмысты одан әрі жандандыратынын жеткізді.
Былтыр тура осы уақытта, бірінші көкпарды өткізгендерін, мұндай шаралар алдағы уақытта жүйелі түрде жалғасын табатынын айтты. Ауданды көркейту, газдандыру, дамыту үшін аянбай еңбек етіп келе жатқан аудан әкіміне алғысын айтты.
Ардагер ақсақалымыз Мырзахмет Темірбеков бата берген соң, көкпар басталып кетті. Көкпарда 19 салым салынып, палуандар ризалықпен тарасты.
