Қазақстандық журналист ауыл шаруашылығы министрі Айдарбек Сапаровтың үстінен полицияға арыз жазды, деп хабарлайды Dalanews.kz.

"Қазақстанның сүт өнімдерімен 100% қамтамасыз етілгені туралы әдейі жалған ақпарат тарату фактісі бойынша ауыл шаруашылығы министрі Сапаровтың үстінен Астана қалалық полиция департаментіне арыз жаздым", – деп жазды сәрсенбі күні ауыл шаруашылығы тақырыбына маманданған журналист Кирилл Павлов өзінің Telegram-арнасында.

Ол президент әкімшілігін бұл жағдайды бақылауға алуды сұрады.

"Ресми статистика мен халықаралық деректерге сәйкес: 2024 жылы Қазақстан 183 мың тонна сүт пен одан жасалған өнімдерді 410,7 млн долларға импорттады (дереккөздер: ҚР Ұлттық статистика бюросы, UN Comtrade, БАҚ); ірімшік пен сүзбе нарығындағы импорттың үлесі – 48%, ал сары май мен май-тоң май өнімдерінде – 15% (салалық қауымдастықтардың дерегі)", – деп Павлов өз ұстанымын дәлелдеді.