"Aqorda" rezidentsiiasynda Memleket basshysynyń atynan berilgen aýyzasharǵa memleket jáne qoǵam qairatkerleri, ǵalymdar, dárigerler, muǵalimder, etnomádeni birlestikterdiń ókilderi, diplomatiialyq ókildikterdiń basshylary, mádeniet qairatkerleri, qutqarýshylar, eńbek adamdary qatysty.
Memleket basshysy óz sózinde ulttyq rýhaniiatty damytý men mundaǵy ziialy qaýymnyń róline toqtaldy.
"Jalpy, ult mádenieti – halyq ómiriniń ainasy, onyń bolmysy. Elimizdiń rýhani damýy ulttyq rýhqa tikelei bailanysty.
Sol sebepti azamattarymyzdyń rýhy árqashan biik bolýy úshin mádenietimizge, iaǵni rýhaniiatymyzǵa basa mán bergenimiz jón.
Qazirgi tańda ziialy qaýymnyń qoǵamdaǵy róli asa mańyzdy. Mádeniet qairatkerleri halyqqa, eń aldymen, óz týyndylarymen tanymal bolýy kerek, qoǵamǵa, ásirese, jastarǵa jol kórsetip, úlgi-ónege bolýy qajet. Jurtymyz ziialy qaýymnan sabyrlyqty, parasattylyqty kútedi".
