"Assalaýmaǵaleikým aǵaiyn! Qazirgi tańda baspana máselesi barsha qazaqtyń basty ýaiymyna ainalyp úlgerdi. Ásirese jastardyń. Memlekettik baǵdarlamamen beriletin úilerdiń sany muqtaj jandardyń 10 paiyzyn qamtamasyz ete almai keledi. "Endi qalai baspanaly bolam?"- dep, tapqany tamaǵynan artylmaityn aǵaiynǵa qalai úi alyp berýge bolady? Eger biz birige alsaq, 1 teńgemizdi bir otbasy úshin qisaq bul máseleni de sheshýge bolady", - dep jazypty ol áleýmettik jelidegi paraqshasynda.
Nurdáýlet Nurádil osy usynysty elimizdegi tanymal tulǵalar men oqylymdy aqparat kózderi qoldasa deidi.
"Resmi aqparat boiynsha, Qazaqstanda 17 million 671 myń adam turatyny málim. Biz sonyń 7 millionyn esepke almadyq degenniń ózinde 10 million adam qalady. Menińshe 1 teńgeni sadaqaǵa bere alatyn 10 million adam bar. Endeshe, bizde 10 million teńge jinalady", - dep jazdy ol.
Bul degenińiz, onyń pikirinshe, Almaty men Astanadan 1 nemese 2 bólmeli, al qalǵan qalalardan 3-4 bólmeli úi alatyn aqsha. "Osylaisha ár juma saiyn 1 teńgeden sadaqa berip otyrsaq, 1 jylda 52 otbasyn baqytqa bólep mol saýapqa qalar edik. Eger kún saiyn 1 teńgeden jinalsa 1 jylda 365 adam baspanaly bolady. Eshqandai talan-tarajsyz, basqa baǵytqa emes, tek "1 teńge = 1 úi" dep qor ashyp, qoldap jiberer azamattar bolsa QAZAQTYŃ BASPANA MÁSELESI ÓZINEN ÓZI-AQ ShEShILER EDI!", - degen usynys jasady qoldanýshy.
Osydan keiin ol osy máseleni ózi qolǵa alǵysy keletinin aitty. "Ózim qolǵa alsam ba dep otyrmyn. Úlken aǵalaryma jolyǵyp kórem. Kómegin berer", - dep jazdy ol pikir retinde.
Osy jazbaǵa qatysty pikir bildirgenderdiń deni muny qoldap jatyr. "Osy oi maǵan da kelip júr edi. Óz kúshimizben úili bolsaq osylai. Tek surar suraǵym, osy úi beriletin adamdar tizimi qalai qurylady? Osy usynys júzege assa, ai saiyn 1000 teńge nemese odan kóp berýge daiynmyn. 4 balalymyz, baspana məselesi qinaltyp tur. Qýana-qýana qoldaimyn!", - deidi Dinara Kerimova esimdi qoldanýshy.
"Iá, tiynnan teńge quralady, kóp túkirse kól degen osy bolar...", - dep jazdy Aigerim Balǵymbaeva degen qoldanýshy. Qoldaý bildirgenderdiń arasynda bireýleri bir adam bir jylǵa 365 teńge tólep qoisyn degen de pikirler jazyp jatyr.
