Túimebaev IýNESKO biýrosynyń direktorymen kezdesti
Kezdesýde aimaq basshysy qonaqtarǵa oblystyń ekonomikalyq jaǵdaiyn tanystyryp, týrizm indýstriiasyn damytý múmkindikterin baiandady.
– Ózderińiz biletindei Ońtústik Qazaqstan oblysy IýNESKO Biýrosymen tyǵyz bainalys ornatqan. Oǵan óńirimizdegi IýNESKO-nyń tizimine engen Aqsý-Jabaǵyly, Qarataý qoryqtary, Qoja Ahmet Iassaýi kesenesi men Sairam-Ógem ulttyq parkin dálel retinde keltirýge bolady. Bul bizdiń aimaqtyń tarihi-mádeni eskertkishterge bai ekenin kórsetedi. Mine, osy múmkindikterdi paidalana otyryp, oblystaǵy týrizm salasyn damytýdy kózdep otyrmyz. Sizderdi osy baǵytta túrli jobalardy birigip júzege asyrýǵa shaqyramyn, – dedi Janseiit Qanseiituly.
Sondai-aq, oblys ákimi óńirimizdegi týrizm salasynda jumys istep turǵan «Ontustik tourism center» týristik aqparattyq ortalyǵy týraly da áńgime órbitti. 2015 jyly iske qosylǵan ortalyq aqysyz túrde týristik qyzmet kórsetýge, tarihi-mádeni nysandar týraly aqparatty qoljetimdiligin qamtamasyz etýge baǵyttalǵan. «Bir tereze» qaǵidaty boiynsha jumys isteitin mekeme elimizden bólek, sheteldik týristik kompaniialardy tartý jumystaryn júrgizýde. Sonymen qatar jiynda oblysta atalǵan salamen ainalysatyn arnaiy basqarmanyń qurylǵany da sóz boldy.
Óz kezeginde Krista Pikkat «Uly jibek jolynyń» boiynda jatqan bul ólkeni Qazaqstannyń negizgi týristik oshaǵyna ainaldyrýǵa bolatynyn qýattady. Sondai-aq, oblystaǵy zertteýdi qajet etetin tarihi oryndardyń qupiiasyn ashýǵa kómek kórsetetindikterin aitty.
Jiyn sońynda oblys ákimi qonyqtarmen estelikke sýretke túsip, syi-siiapattar jasady.
OQO ákiminiń baspasóz qyzmeti
