Zamanaýi úlgidegi jańa tehnikalar bir mezette birneshe jumysty atqarýǵa múmkindigi bar. Máselen sý sepkish qurylǵysy bar avtokólik jaz mezgilinde kósheni sypyryp ári sý seýip tazartsa, qystygúni muz ben qardy eritip tazalaityn qos múmkindigi bar. Osylaisha birneshe jumysty atqaratyn 8 tehnikanyń jalpy 189 mln. 165 myń teńge.
Kóne shahary Túrkistan – oblys ortalyǵy mártebesin alǵanyn aitqan qala basshysy qoiylyp jatqan mindetterdiń biri qala tazalyǵy ekenin atap ótti.
– Búginde Túrkistan shahary burynǵy aýdan deńgeiindegi qala emes, oblystyń ortalyǵyna ainalǵan qala bolyp otyr. Osy baǵytta biz ben sizge júkteletin mindet pen talap óte joǵary. Túrkistan úshin qazirgi tańda eń ózekti másele qalanyń tazalyǵy, kóriktendirý abattandyrý jumystary. Tazalyq jumysyn jandandyrý úshin oǵan qajetti tehnikalyq jabdyqtardyń sanyn arttyrý negizgi mindetterdiń biri. Bul baǵytta qala ákimdigi tarapynan árdaiym alǵysharttar jasalyp otyrady, – dedi Á.Óserbaev.
Sonymen qatar ákim oblys ortalyǵy Túrikstannyń zaman talabyna sai damý dinamikasyn odan ári arttyrýǵa qajetti baǵyttardy jetildirýdi jáne qalanyń logistikalyq múmkindigin arttyrý, qalany týrizm ortalyǵy retinde damytý boiynsha naqty sharalardy júzege asyrýdy qolǵa alyp jatqandyǵyn jáne aldaǵy ýaqytta jumys barysynda júkteletin mindet pen talap óte joǵary bolatyndyǵyn aitty.
