Ulttyq qoǵamdyq senim keńesiniń otyrysynda Prezıdent qazaqstandyq jer telimin sheteldikterge satýǵa salynǵan tyıymdy zańdastyrýdy tapsyrdy.
Aýylsharýashylyq maqsattaǵy jer telimin sheteldikterge jáne sheteldik zańdy tulǵalarǵa satýǵa jáne jalǵa berýge tyıym salatyn zań qabyldaýdy tapsyramyn.
Bul sheteldik aksıasy bar zańdy tulǵalarǵa da qatysty. Muny Prezıdenttiń zańnamalyq bastamashyl quziretin paıdalana otyryp, jedel túrde júzege asyrý kerek dep sheshtim. Prezıdent ákimshiligi bul másele boıynsha tıisti zań jobasyn ázirleýi kerek, - dedi Toqaev.[
Sondaı-aq ol:
- bir aı ishinde jer reformasy boıynsha komısıa quryp, onyń jumysyn 25 naýryzda bastaýdy;
- 2021 jyldyń tamyz aıynyń aıaǵynda jer reformasynyń negizgi máseleleri boıynsha keshendi kelisim túzýdi tapsyrdy.
Komısıa jumysynyń ár kezeńi jáne onda usynylǵan ár sharalar týraly halyqty únemi habardar etip otyrý kerek. Negizgi mindetterdiń biri - komısıa jumysynyń jáne sheshim qabyldaý kezeńin barynsha ashyq ekenin kórsetý. Biz qoǵamnyń jerge qatysty barlyq máselelerin durys jáne tıimdi sheshe alamyz dep senemin, - dedi Toqaev.
Buǵan deıin Toqaev Qazaqstanda jer eshqashan satylmaıtynyn birneshe ret málimdegen.
