Kelissózder aiaqtalǵan soń Qazaqstan Prezidenti Qasym-Jomart Toqaev pen Shveitsariia Prezidenti Gi Parmelan belgili diplomat jáne saiahatshy Anri Mozerdiń biregei eksponattar toptamasyndaǵy keremet jádigerlerdiń biri – qazaqtyń barqyttan jasalǵan tuskilemin birge tamashalady.
Atalǵan jádigerdi qazaq sultany Baimuhammed XIX ǵasyrda shveitsariialyq diplomatqa tartý etken. Táýelsizdigimizdiń 30 jyldyǵynda atalǵan jádiger eki el arasyndaǵy mádeni bailanystardyń erekshe simvolyna ainaldy.
Anri Mozerdiń toptamasynda tuskilemder, ulttyq qarýdyń túrleri: aibaltalar, qylyshtar, qanjarlar, sondai-aq at ábzelderi jáne basqa da buiymdar bar. Qazaq dalasynyń bileýshileri atalǵan jádigerlerdi zertteýshige syilyq retinde bergen jáne olar Shveitsariiaǵa jetkizilgen.
Eksponattardyń ishinde tuskilemderdiń alatyn orny erekshe. Olar qazaq halqynyń kórkem týyndysy ǵana emes, sonymen qatar Qazaq handyǵynyń tarihyn ǵylymi turǵyda zertteý úshin qundy material bolyp tabylady.
Memleket basshysy tuskilemniń biregeiligin jáne onyń tarihi qundylyǵyn atap ótip, atalǵan óner týyndysynyń Qazaqstanda da kórmege qoiylatynyna úmittenetinin aitty.
