Al biyl qosymsha 10 gektar jerge 16 myń túp kóshet otyrǵyzypty. Sharýashylyqqa qarasty 20 gektarǵa jalpy sany 32 myń túp «Taifi-Rozovyi» ashanalyq júzimi egilgen. Qazirgi tańda túrkiialyq mamandardyń kómegimen beton tireýishter ornatyp, tamshylatyp sýarý júiesin qondyryp jatyr.
– Júzim egý isin 2016 jyldyń sáýir aiynda bastadyq. Eń aldymen tastaq jerdiń alǵashqy qyrtysyn syryp tastap, qunarly topyraq tósep shyqtyq. Munda egilgen kóshetterdi Saryaǵash aýdanynan arnaiy aldyrttyq. Alǵashqy 16 túp kóshettiń 98 paiyzy tamyr alyp, ónip shyqty. Qazirgi júzimniń jaǵdaiy óte jaqsy. Qys boiy jer astyna kómemiz, kóktemde jer betine qaita shyǵaryp, tireýishter ornatatyn bolamyz, – deidi sharýa qojalyǵy direktorynyń orynbasary Nurǵisa Derbisov.
Jobanyń jalpy investitsiialyq quny – 50 mln teńgeni quraidy. Bul qarjynyń teń jartysyn «Damý» baǵdarlamasy aiasynda «Maksimým» aimaqtyq investitsiia ortalyǵynan alǵan. Qojalyq basshysy 10 gektar jerdi satyp alsa, 10 gektar jer memleket tarapynan 49 jylǵa jalǵa berilgen.
«Byltyrǵy jyly júzim alqabynyń ár gektaryna memleket tarapynan 750 myń teńgeden sýbsidiia berildi. Bul bizge úlken kómek boldy. Júzimbaǵymyz biylǵy jyly alǵashqy ónimin bere bastaidy. Aldaǵy josparymyzǵa sáikes, gektaryna 35-40 tonnadan ónim alý oiymyzda bar», – deidi Nurǵisa Derbisov.
Búginde júzimbaqta 20-ǵa tarta adam eńbek etip jatyr. Jalaqylary ortasha eseppen 60 myń teńgeni quraidy. Al, maýsymdyq jiyn-terim mezgilinde munda 60-qa jýyq adam jumysqa tartylatyn bolady.
Aita keteiik, qojalyq aldaǵy jyldary júzimdi qaita óńdeý isin qolǵa alyp, júzimbaqqa jaqyn mańnan kókónis saqtaý qoimasynyń qurylysyn bastamaq niette.
