Qoǵam qairatkeri, Transparency International halyqaralyq uiymynyń múshesi Ásel Temirova memlekettik satyp alýlardaǵy kúmándi kelisimshart jaily aqparatty bólisti. Onyń aitýynsha, ádiletsizdikke bei-jai qarai almaǵan memlekettik qyzmetker oǵan Almaty ákimdigi men “Atameken” ulttyq kásipkerler palatasy arasyndaǵy 2,26 mlrd teńgelik kelisimshart týraly málimetterdi bergen, dep habarlaidy Dalanews.kz.
Temirovanyń málimetinshe, memlekettik satyp alý kelisimi kásipkerlik salasyndaǵy biznes-protsesterdi avtomattandyrý jáne basqarý boiynsha konsýltatsiialyq qyzmetterdi alý úshin jasalǵan.
"Bizdiń biýdjet qarajatymyz ben memlekettik satyp alýlarda ne bolyp jatyr? Almaty ákimdigi men kásipkerler palatasy, sizderden 2 mlrd 264 mln teńge halyq qarajatynyń naqty qaida jumsalǵanyn túsindirýdi suraimyn! Qandai oqytý baǵdarlamalary ótkizildi jáne aldaǵy ýaqytta qandai kýrstar josparlanǵan?" dep jazdy Ásel Temirova Facebook-tegi paraqshasynda.
Ol sondai-aq “Atameken” UKP tóraǵasy Raiymbek Batalovqa tikelei suraq qoiyp, biýdjet qarajatynyń naqty qandai maqsattarǵa jumsalǵanyn ashyq túsindirýdi talap etti.
"Sizderden bul qarjynyń qalai jumsalǵanyn ashyq jáne jariia túrde túsindirýdi suraimyn, óitkeni bul aqsha halyqqa tiesili! Qandai kásipkerler oqýdan ótti? Bul kýrstardy kim ótkizdi? Avtomattandyrý men basqarý boiynsha keńes berý qyzmetteri nelikten munsha qymbatqa tústi?", dep surady qoǵam belsendisi.
Temirova mundai oqytý baǵdarlamalaryn tegin de tabýǵa bolatynyn atap ótti.
"Eger kásipkerler palatasynyń oqytý baǵdarlamalaryna qarjy jetpei jatsa, maǵan habarlassyn. Men olarǵa tolyqtai tegin bilim berý baǵdarlamalaryn tabýǵa kómektesemin", dep túiindedi ol.
Ásel Temirova kótergen bul másele qoǵamda úlken talqyǵa tústi. Almaty ákimdigi men “Atameken” UKP bul suraqtarǵa naqty jaýap bere me – ony ýaqyt kórsetedi.
