Tarazdaǵy dostyq jármeńkesi
– Jambyl oblysy Qyrǵyz eliniń qos birdei oblysymen óte tyǵyz qarym-qatynasta. Búgin Talas oblysynyń aýyl shaýashylyǵy taýar óndirýshileri kieli Áýlieata óńirine arnaiy kelip, jármeńke uiymdastyrýda. Ózderińizge belgili, ótken aida biz Talas oblysyna arnaiy baryp, ol jaqta birqatar memorandýmdarǵa qol qoiǵan bolatynbyz. Sol kelisim negizinde búgingi is-shara ótýde. Sondyqtan, qyrǵyz elinen kelgen barsha qonaqtarǵa, aýyl sharýashylyǵy ónimderin óndirýshilerge, kásipkerlerge alǵysymdy bildiremin. Mundai qarym-qatynas eki eldiń arasyndaǵy berik bailanysty, ózara yntymaqtastyqty nyǵaita túsedi degen oidamyn, – dedi K. Kókirekbaev
Óz kezeginde sóz alǵan Qyrǵyz Respýblikasy Talas oblysynyń gýbernatory Daiyr Kenekeev Tarazdaǵy ótip jatqan jármeńke óte joǵary deńgeide uiymdastyrylǵanyn aitty.
– Talas oblysy men Jambyl oblysy aýyly aralas, qoiy qoralas jatqan aimaqtar. Ásirese, saýda-sattyq boiynsha eki oblystyń múmkindikteri óte joǵary. Degenmen, búgingi Áýlieata óńiriniń óndiris salasyndaǵy arshyndy qadamdary kópke úlgi. Sondyqtan eki el arasyndaǵy yntymaqtastyqty, dostyq qarym-qatynasty kúsheitý maqsatynda Jambyl oblysyna arnaiy kelip, jármeńke uiymdastyryp jatyrmyz. Bul eki el taýar óndirýshileriniń arasynda tyǵyz bailanys ornatyp, tájirbie almasýǵa úlken jol ashady. Sondai-aq, oblysymyzdyń ónerpazdary da óz ónerlerin jambyldyq jurshylyqqa tartý etýde. Aldaǵy ýaqytta osyndai joǵary deńgeide uiymdastyrylǵan is-sharalar reti úzilmeidi degen oidamyn, – dedi Talas oblysynyń gýbernatory.
Oblystyń Baizaq, Jambyl, Jýaly, Talas, Sarysý aýdandary jáne Taraz qalasy men Qyrǵyz Respýblikasynyń Talas oblysy aýyl sharýashylyq taýar óndirýshileriniń qatysýymen ótkizilgen jármeńkede 200 tonnaǵa jýyq aýyl sharýashylyǵy taýary usynyldy. Atap aitqanda, Qyrǵyzstannan 100 tonnaǵa jýyq aýyl sharýashylyǵy ónimderi, onyń ishinde, alma, kartop, fasol, piiaz, qyryqqabat, et jáne sút ónimderi, jemis-jidek kóshetteri satyldy. Al, Jambyl oblysynan et, sút, konditerlik jáne makaron ónimderi, balyq taǵy da basqa aýyl sharýashylyǵy taýarlary ótkerildi.
Jalpy, jármeńkege usynylatyn taýardyń quny 43,4 mln. teńgeni qurady. Sondai-aq, jármeńke baǵasy bazar narqynan 10-17 paiyzǵa arzan saýdalandy.
Jármeńke barysynda ortalyq alańda kiiz úiler tigilip, Qyrǵyzstan Respýblikasynyń eńbek sińirgen ártisteriniń qatysýymen kontserttik qoiylymdar uiymdastyryldy.
Eske sala keteiik, biylǵy jyldyń basynda oblys ákimi K. Kókirekbaev bastaǵan jambyldyq delegatsiia Talas oblysynda arnaiy bolyp, eki el arasyndańy ózara yntymaqtastyqty arttyrý boiynsha birqatar memorandýmdarǵa qol qoidy. Sondai-aq, saýda-sattyq salasyndaǵy mańyzdy máselelerdi sheshý, azyq-túlik taýarlaryn eshbir kedergisiz Jambyl oblysynyń saýda núktelerine jetkizý jáne kieli Áýlieata óńirinde Qyrǵyz eliniń kásipkerleri men aýyl sharýashylyǵy ónimderin óndirýshilerdiń jármeńkelerin ótkizý jaiyn da talqylaǵan bolatyn.
Jambyl oblys ákiminiń baspasóz qyzmeti
