«Qnet» qarjy pıramıdasynyń qurylymdyq bólimshesin uıymdastyrý isi boıynsha úkim shyǵaryldy, dep habarlaıdy Dalanews.kz.
Tergeý QMA Qyzylorda oblysy boıynsha departamenti júrgizdi.
Kúdiktiler azamattardy kóp deńgeıli marketıńtik jeli men elektrondy komersıaǵa ınvestısıa salýǵa, onyń ishinde jalǵan «QVI tripsaver» saıahat kartalaryn jáne zergerlik buıymdardy satyp alýǵa úgittegen.
Qatysýshylardyń salymdary 840 myńnan 4 mln teńgege deıin aýytqyp, mindetti shart retinde basqa qatysýshylardy tartý talap etilgen.
Nátıjesinde qarjy pıramıdaǵa 51 adam qatysyp, olar 63 mıllıon teńgeden astam qarajat salǵan.
Sot sheshimimen pıramıda uıymdastyrýshylary kináli dep tanylyp, 6 jyldan 7 jylǵa deıin bas bostandyǵynan aıyrý jazasy taǵaıyndaldy.
Sot sheshimimen 301 mıllıon teńge quny bar Astana qalasynan 7 páter jáne «Toyota Camry» avtokóligi tárkilendi.
