"Erteń, saǵat tańǵy 04:50-de Máskeýden arnaıy bortpen 1916 jylǵy ult-azattyq kóterilistiń qaharmany, 1923 jyly bólshevıkter qolynan qaza tapqan Keıki batyrdyń basy elge jetkiziledi. Ázir jerleý rásimin uıymdastyrý boıynsha úkimettik komısıa qurylýda» dedi saıasattanýshy.
Aıta ketelik, Kárim Másimov úkimetbasy kezinde Reseı premeri Dmıtrıı Medvedevpen jolyǵyp Kenesary han men Keıki batyrdyń bastaryn qaıtarý máselesin kótergen bolatyn.
Keıki (Nurmaǵanbet) Kókembaıuly - 1916 jylǵy Torǵaıda bolǵan ult-azattyq kóterilisiniń batyry, ataqty mergen. Qostanaı oblysy Amankeldi aýdanynyń Baıtýma qopasynda dúnıege kelgen.
Ol Reseı patshasynyń 1916 jylǵy maýsym jarlyǵy sebep bolǵan Torǵaı qazaqtarynyń ult-azattyq kóterilisine alǵashqy kúnderinen belsene aralasyp, sol kóterilisti uıymdastyrýshylardyń biri boldy.
Qazaqstan ulttyq ensıklopedıasyndaǵy málimet boıynsha, ol Torǵaıda qyzyl ásker qolynan aıýandyqpen óltirilgen. Onyń basy kúni búginge deıin Sankt-Peterbýrgtegi antropologıalyq qordyń kýnstkamerasynda saqtalyp keldi.
