Jinalǵandardy quttyqtaǵan oblys ákimi A. Batalov:
- Elimizde jastar saiasatyna mańyzdy baǵyt retinde erekshe kóńil bólingen.«Jetkinshek býynnyń Táýelsizdik idealdaryna adal bolatynyna, Otanymyzdyń tabystarynyń estafetasyn jalǵastyratynyna senimim mol», -dep, Elbasy jastarǵa úlken senim artty. Búginde elimizde jastardyń tegin bilim alyp, jan-jaqty damýyna, shyǵarmashylyqpen, sportpen, kásipkerlikpen ainalysyp, halyqtyń igiligine eńbek etýine barlyq jaǵdailar jasalǵan. Óz kezeginde Jetisý jastary judyryqtai jumylyp, Elbasynyń sarabdal saiasatyn tiianaqty júzege asyrýǵa atsalysýy kerek. Ásirese, Memleket basshysy jariialaǵan «Rýhani jańǵyrý» baǵdarlamasynyń oryndalýynda jas býynnyń belsendiligi asaqajet. Óitkeni bul tarihi qujat óskeleń urpaq úshin qabyldanyp otyr. Jastardyń aldynda alar asý, shyǵar shyń, jeter jeńister óte kóp. Oǵan tek talap pen jiger, bilim men aqyl alyp barady. Biz búgin sol talpynys jolynda jemisti eńbek etip júrgen birqatar jasty «Kóshbasshy» syilyǵymen marapattaǵaly otyrmyz. Bul azamattardyń eńbek joly, jetistikter tarihy ózge qatarlastaryna úlgi bolary anyq. Barlyǵyńnyń da týǵan elimizdiń igiligi úshin aianbai eńbek etip, Qazaqstannyń maqtanyshy bolýlaryńa tilektespin! – dei kele, jeńimpazdardy arnaiy diplomdarmen jáne aqshalai syilyq sertifikattarymen marapattady.
Atap aitqanda, Eńbekshiqazaq aýdany D. Qonaev atyndaǵy orta mektep túlegi Temýrbek Jamoladdinov «Jas batyr» atansa, «Úzdik jas sportshy» atalymynda grek-rim kúresinen Qazaqstan Respýblikasynyń Eńbek sińirgen sport sheberi Demeý Jadyraev jeńimpaz dep tanyldy. taldyqorǵandyq Mansýr Qurmanǵaliev - «Úzdik jas kásipker», Talǵar aýdany Qainar aýylyndaǵy «Madiiar» sharýa qojalyǵynyń jetekshisi Madiiar Aýelbaev - «Aýyl sharýashylyǵynyń úzdik jas mamany», S.Demirel atyndaǵy ýniversitettiń aǵa oqytýshysy Ermek Toqtarov - «Úzdik jas ǵalym», Alakól aýdany Úsharal qazaq mektep gimnaziiasy direktorynyń tárbie isi jónindegi orynbasary Erjan Omarhanov - «Úzdik jas ustaz», Alakól aýdany Eńbekshi dárigerlik ambýlatoriiasynyń meńgerýshisi Aigúl Tursaǵatova «Úzdik jas dáriger» atandy.
2017 jyldyń jańa kóshbasshylary, iaǵni ár salada eńbek etip júrgen 17 jas maman aldaǵy ýaqytta da bilimi men biligin jetildirip, Elbasynyń senimin aqtap, halyqqa adal qyzmet etetindikterine sendirdi. Shara sońy kontserttik baǵdarlamaǵa ulasty.
Eske salsaq, «Kóshbasshy» jastar syilyǵy jyl saiyn 17 nominatsiia boiynsha dástúrli túrde berilip keledi. Sonyń ishinde joǵaryda aitylǵandarmen qatar «Úzdik jas memlekettik qyzmetshi», «Úzdik jas saiasatker», «Úzdik stýdent», «Úzdik jas ónerpaz», «Úzdik jas áskeri qyzmetshi», «Úzdik jas otbasy», «Úzdik erikti», «Úzdik jas jýrnalist», «Úzdik «Jasyl el» sarbazy», «Jas ulan» biryńǵai balalar men jasóspirimder uiymynyń úzdik kóshbasshysy» atalymdary da bar.
