Eks-dıplomat Sáken Mamashanyń isi boıynsha sot otyrysy jartylaı jabyq rejımde ótedi, - dep habarlaıdy Dalanews.kz.
Sýdıa Artýr Abdyhanov jábirlenýshi Karına Mamashtyń buqaralyq aqparat quraldarynyń qatysýyna qarsy bolǵan ótinishin ishinara qanaǵattandyrdy.
"Sot jábirlenýshi taraptyń isti jabyq sot otyrysynda qaraý týraly ótinishin ishinara qanaǵattandyrý týraly qaýly shyǵardy. Bas sot talqylaýyna daıyndyq kezeńi sot tergeýi satysymen birge ashyq sot otyrysynda ótedi, al negizgi sot talqylaýy jabyq sot otyrysynda ótedi", – delingen sot qaýlysynda.
Osylaısha, prosestiń daıyndyq bólimi ashyq ótedi, al istiń máni boıynsha qaraý jabyq rejımde júrgiziledi.
Jýrnalıser otyrystyń basynda – prosesýaldyq máseleler qaralatyn sátke deıin qatysa alady. Alaıda istiń egjeı-tegjeıi baspasózsiz qaralady. Úkim ashyq túrde jarıalanady.
