Dál qazir Shymkent qalasynyń turǵyndary Arystaǵy jarylystan zardap shekken halyqqa jappai kómek kórsetip jatyr dep habarlaidy Qazaqparat.
Shymkent qalasynyń ortalyq meshiti qazirgi ýaqytta Arystan evakýatsiialanǵan halyqty qabyldaýda. Jarylys kezinde qoryqqannan qashyp kelgen nemese balabaqshadaǵy kishkentailardy osy jerge jaiǵastyryp jatyr. Ata-anasynyń aty -jóni anyqtalyp, alyp ketýshilerdiń fotolary men videolary jinaqtalýda.
Qazirgi ýaqytta kómek kórsetýge ákelingen adamdar sany 500-den asqan. Meshit imamynyń aitýynsha, jetkizilgender meshittiń medresesi men jataqhanasyna ornalastyrylýda.
Arys turǵyndaryna kómektesýge Shymkent qalasynyń turǵyndary sý, azyq-túlik jetkizip, barynsha qoldaý kórsetýde.
Ortalyq meshit qyzmetkerleri kelýshilerdiń osy jerde qansha ýaqyt kúneltetini belgisiz deidi. Sol sebepten, jomart jandar áli de qol ushyn sozýyna bolady.
Kishkentailarǵa arnalǵan zattar eń birinshi kezekte.
Buǵan deiin Arys qalasyndaǵy áskeri bólimniń qoimasynda jarylys bolǵandyǵy týraly habarlanǵan edi.
Al QR Prezidenti Qasym-Jomart Toqaev tiisti organdarǵa Arystaǵy áskeri bólimdegi oq-dári qoimasynda bolǵan jarylystyń zardaptaryn joiý týraly tapsyrma berdi.
https://youtu.be/Is122aM_eEI
