Shyǵysta stýdenttik jataqhanalardy salý jobasy iske qosylady
– Biz investorlarǵa jataqhana salyp, ony 8 jylǵa memlekettik tapsyryspen qamtamasyz etýdi usynamyz. 1 tósek-orynǵa salynǵan jataqhana paidalanýǵa berilgennen keiin memleket jylyna 122 AEK (355 myń teńge) bóledi. Almaty úshin bul soma 144 AEK quraidy. Eger ǵimarat qaita jańǵyrtylsa, onda – 47 AEK (137 myń teńge), jyl saiyn AEK indeksatsiiasymen. Mehanizm tolyq pysyqtaldy. Tapsyrys berýshi – QR BǴM, operator – bizdiń qarjy ortalyǵy, – dedi «Qarjy ortalyǵy» AQ ókili Aqjol Qurmanseiit.
Memlekettik tapsyrys boiynsha tólemderden basqa, investorlarǵa «Damý» qory arqyly banktik qaryzdy sýbsidiialaý, daiyn JSQ usyný, stýdentterdiń turǵany úshin tólemaqy (ortasha eseppen 10 myń teńge) jáne kommertsiialyq alańdardan túsetin tabys túrinde qosymsha yntalandyrýshy quraldar usynylady.
Mundai jobalar Almaty, Shymkent, Taraz qalalarynda iske asyryldy. Sonymen qatar, «Qarjy ortalyǵy» AQ investorlarǵa jan basyna normativtik qarjylandyrý aiasynda óńirde jeke mektepter men mektep-internattardy salýdy nemese rekonstrýktsiialaýdy usynady. Memlekettik tapsyrys sheńberinde jeke mekteptegi 1 oqýshy orny úshin tólem qurylys kezinde – 96 AEK (280 myń teńge), qaita jańartý kezinde – 47 AEK (137 myń teńge) quraityn bolady. Sondai-aq, memleket mektep qyzmetiniń barlyq kezeńine (kem degende 20 jyl) beriletin bilim deńgeiine bailanysty operatsiialyq shyǵystardy orta eseppen 470 myń teńge tóleitin bolady.
