Qaýipti virýspen kúreste osynaý qurylǵynyń qanshalyqty mańyzdy ekeni aitpasa da belgili.
Budan buryn Densaýlyq saqtaý ministri Eljan Birtanov elimizdegi infektsiialyq aýrýhanalarda 167 jasandy tynys alý apparaty baryn aitqan.
Ministr dál qazir Qazaqstanda mundai apparattarǵa tapshylyq baryn da jasyrmaǵan. «El kóleminde jasandy tynys alý apparatyna degen suranys 927 danany quraidy» degen-tin Birtanov.
«Aiala» qorynyń «Ómir syilaiyq» jobasy aiasynda tabystalǵan osynaý apparattar Japoniiada jasalǵan. Humming Vue dep atalatyn meditsinalyq qurylǵylardyń jalpy quny 71 mln teńgeni quraidy.
Anyǵy, osynaý apparattar búgin de, erteń de kerekke jaraidy.
Sózimizge dálel: byltyr bul mekeme 100 myńǵa tarta búldirshindi qabyldasa, solardyń birazy em-dom alý úshin emhanaǵa jatqan.
Ótken jyly aýrýhananyń reanimatsiia bólimshesine syrqaty asqynǵan 500-ge tarta búldirshin túsip, dárigerler árbir 5-shi balany jasandy tynys alý apparatyna qosqan eken.
Jan saqtaý bólimine túsken balalardyń 60 paiyzynda pnevmoniia anyqtalyp, tynys alýy aýyrlaǵan.
Jasandy tynys alý apparatyn aýrýhanaǵa tabystaý sátinde «Shevron» kompaniiasy Qoǵammen bailanys bóliminiń úilestirýshisi Janar Qoshpanova sóz alyp, jan saqtaý bóliminde árbir minýt altynnan da qymbat ekenin eske saldy.
«Qazaqstan úkimeti men eldegi iri biznes ókilderi koronavirýstyń taralýyna tosqaýyl qoiyp, infektsiia juqtyrǵan azamattardyń aiaǵynan turyp ketýi úshin bir judyryqqa jumylýda.
Jańa, zamanaýi jasandy tynys alý apparattary qazirgidei alasapyran shaqta ǵana emes, ádepki kúnderi de bala ómirin aman saqtap qalýda asa mańyzdy. «Shevron» kompaniiasynyń atynan barsha qazaqstandyqtarǵa qazirgi ótkinshi qiyndyqqa qarsy turarlyq qajyr-qairat pen myqty densaýlyq tileimin», – dedi kompaniianyń ókili.
«Aialy» qorynyń basshysy Aidan Súleimenovanyń aitýynsha «Shevron» qordyń bala densaýlyǵyn jaqsartý men meditsinalyq qyzmet sapasyn arttyrýǵa baǵyttalǵan kósheli jobalaryn kóp jyldan beri qoldap keledi.
«Shevron» kompaniiasynyń infektsiialyq balalar aýrýhanasyna ázir aýadai qajet qurylǵyny tabystaýy kompaniianyń áleýmettik jaýapkershilikti jete túsinetinin kórsetip otyr.
Koronavirýs infektsiiasyna bailanysty qatań karantinde otyrǵan Qazaqstan azamattary, onyń ishinde Almaty turǵyndary atynan kompaniia basshylyǵyna alǵysymdy aitamyn», – dedi ol.
...
Qazaqstan naryǵyna 1993 jyly kelgen «Shevronnyń» qaiyrymdylyq baǵytyndaǵy bastamalary búginderi dástúrli jobalarǵa ainalyp úlgergen. Qazaqstanǵa kelgeli beri kompaniia qoǵamdyq jobalarǵa 500 mln. dollar investitsiialapty.
Iá, mundai jobalardyń naqty sanyn atap aitý qiyn, bir ǵana Almatyda «Shevronnyń» qarjylai qoldaýymen jylyna 30-ǵa tarta áleýmettik bastamalar júzege asady eken.
Eń bastysy «Shevronnyń» bul jolǵy kómegi de der kezinde kórsetildi. Jalpy quny 71 mln. teńgeni quraityn Japoniiada jasalǵan Humming Vue qurylǵylary Almatydaǵy klinikalyq infektsiialyq balalar aýrýhanasynyń dárigerleri úshin koronavirýske qarsy kúreste úlken kómek bolary anyq.
Japonnyń HummingVue jasandy tynys alý apparaty mundai tehnologiianyń sońǵy býynyna jatady, ári qan qysymyn 13 mikron deńgeiinde baqylaýda ustaidy.
Bul óz kezeginde respiratorlyq terapiianyń klinikalyq tiimdiligin arttyryp, balanyń aǵzasyna zaqym keltirmeidi.
Olardy sterildeý (zalalsyzdandyrý) ádisi qarapaiym jáne áýel bastaǵy kórsetkishterin qaita qalpyna keltirýdi qajet etpeidi. Bul óz kezeginde apparatty kezek kútip otyrǵan kelesi naýqasqa ýaqyt ozdyrmai qoldanýǵa múmkindik beredi.
Atalǵan qurylǵynyń jumys ólshemin ózgertý kezinde túrli tynys alý kontýryn aýystyrmai nemese ajyratpai-aq naýqastyń tynys alý júiesin ventiliatsiialai alady.
Bul bir ǵana kontýrda oryndalyp, ol óz kezeginde naýqastyń aýyr gipoksiiaǵa ushyraý táýekeliniń aldyn alady.
Japoniiada jasalǵan zamanaýi apparattardy tabystaý rásimin «Shevron» kompaniiasy men «Aiala» qaiyrymdylyq qory birlesip uiymdastyrdy.
