Budan bólek, biyl memlekettik jekeshelik áriptestik sheńberinde Shardara qalasynda smetalyq quny 166,5 mln.teńgeni quraityn 2 qabatty 10 páterli 2 turǵyn úidiń jáne Q.Turysbekov aýyldyq okrýginde 1 turǵyn úi qurylysy júrgiziledi.
Infraqurylym boiynsha aýdan turǵyndarynyń 17,3 paiyzy tabiǵi gaz kózine qosylǵan.
– Eldi mekenderdi gazdandyrý boiynsha aýdandyq biýdjet esebinen 4 joba ázirlenýde. Jalpy 2018-2021 jyldar aralyǵynda 16 eldi mekendi gazdandyrý josparlanyp, nátijesinde aýdan turǵyndarynyń 99,5 paiyzy tabiǵi gazben qamtylady. Al aýyzsýmen qamtamasyz etýde aýdandaǵy 25 eldi mekenniń 13-i ortalyqtandyrylǵan qubyr sýyn, 3 eldi meken uńǵyma sýyn, qalǵan 9 eldi meken turǵyndary qudyq sýyn tutynady. Aimaqta qubyr sýymen 73000 adam qamtylǵan, bul aýdan turǵyndarynyń 92 paiyzy, – dedi Bolatbek Dúisenbekuly.
Búgingi tańda Shardara qalasy, Qosseiit, Shardara, Kóksý, Uzynata aýyldarynda aýyz sý 24 saǵat boiy berilýde. Sondai-aq, aýdan turǵyndarynyń 99,8 paiyzy elektr energiiasymen qamtylǵan.
