– Ulttyq rýhani qundylyqtarmen, otanshyl sezimmen sýarylǵan bala ǵana erteń memlekettiń qaýipsizdigine, Táýelsizdigine alańdaityn, Otanynyń bolashyǵy úshin jaýapkershilikti moinyna ala biletin azamat bolyp ósedi. Ásker qatarynda bilimdi, bilikti sarbaz bolady. Qoǵam múddesin bárinen biik qoiatyn azamat bolyp qalyptasady. Otandy qorǵaý-árbir Qazaqstan azamatynyń abzal boryshy. Ol eń aldymen, otanshyldyqtan, áskeri-patriottyq tárbieden bastalady, – dedi senator óziniń saýalynda.
N.Nursipatov 2019 jyldy Elbasy «Jastar jyly» dep jariialaǵanyn, Qazaqstan Prezidenti Q.K. Toqaev memleket tarapynan jastardy qoldaýǵa jáne olardy otanshyldyq rýhta tárbieleýge airyqsha nazar aýdaryp otyrǵanyn atap ótti.
Depýtat nasihat jumysy aiasynda áskeri-patriottyq rýh, mádeniet pen ulttyq tarihty, ult batyrlaryn, óz kásibiniń sheberi bolǵan otandyq tulǵalardy nasihattaityn habarlar, filmder túsirilip, kitaptar shyǵarylyp, internet-kontent jasalǵany jón ekenin atap ótti.
Senator áskeri-patriottyq tárbie máselesi qoldanystaǵy zańnamada bekitilmegenin aita kelip, áskeri-patriottyq tárbie berý jumystaryn júrgizýdi memlekettik organdardyń basty tapsyrmalarynyń biri retinde zańnamalyq turǵyda bekitý qajettigine toqtaldy.
